މި އަހަރު ވޯލްޑް ކަޕް ވެސް ގަތަރުގައި ބާއްވަން ތައްޔާރު ވަމުން އަންނަނިކޮށް ދުނިޔޭގެ ފުޓްބޯޅައި މައި ޖަމިއްޔާ، ފީފާ އިން މުޅިން ހިލޭ ސްޓްރީމްކުރެވޭ ހިދުމަތެއް "ފީފާ ޕްލަސް" ގެ ނަމުގައި ލޯންޗްކޮށްފި އެވެ.
އެތަނުން ބުނީ މި ޕްލެޓްފޯމް މެދުވެރިކޮށް ލައިވް މެޗްތަކާއި ކުރީގެ ކޮންޓެންޓްތަކާއި އޮރިޖިނަލް އެހެނިހެން ގިނަ ކޮންޓެންޓްތައް ވެސް ހިލޭ ސްޓްރީމްކުރެވޭނެ ކަމަށެވެ. "ފީފާ ޕްލަސް" ގެ ކޮންޓެންޓްތައް މައިގަނޑު ފަސް ބަހަކުން ބެލޭނެ އެވެ. އޭގެ ތެރޭގައި އިނގިރޭސި، ޖަރުމަން، ފްރެންޗް، ސްޕެނިޝް އަދި ޕޯޗްގީޒް ބަސް ހިމެނެ އެވެ، އަދި ކުރިއަށް އޮތް ތަނުގައި ކޮންޓެންޓްތައް ބަލާލެވޭ ބަސްތައް އިތުކުރާނެ ކަމަށް ވެސް ބުންޏެވެ.
𝗪𝗮𝘁𝗰𝗵 . 𝗦𝘁𝗿𝗲𝗮𝗺 . 𝗙𝗿𝗲𝗲
Introducing #FIFAPlus: your new home for football ✨
Watch or stream for free thousands of live matches per month, stories from your favourite footballers, and the biggest archive of World Cup matches 👉 https://t.co/EO11dasOum pic.twitter.com/h4vm0z3PqJ
— FIFA.com (@FIFAcom) April 12, 2022
ފީފާ އިން ބުނި ގޮތުގައި މެމްބަރު 100 އެސޯސިއޭޝަނާއި އަދި ހަ ކޮންފަޑޭރޭޝަން ކަޕާ އެކު އަހަރެއްގެ ތެރޭގައި "ފީފާ ފްލަަސް" އިން އަހަރަކު 40،000 ލައިވް މެޗް ސްޓްރީމްކުރާނެ އެވެ. އޭގެ ތެރޭގައި ފިރިހެނުން 29،000 މެޗާއި އަންހެން ކުޅުންތެރިންގެ 11،000 މެޗް ހިމެނެ އެވެ.
Watch or stream for free thousands of live matches per month, untold stories from your favourite footballers, and the biggest archive of World Cup matches of all time on #FIFAPlus 👉 https://t.co/I3xNnrRSGOpic.twitter.com/u0GgRcnq93
— FIFA World Cup (@FIFAWorldCup) April 12, 2022
އަލަށް ތައާރަފުކުރި ސްޓްރީމިން ޕްލެޓްފޯމުން ގެނެސްދޭން ހަމަޖެހިފައިވާ އޮރިޖިނަލް ކޮންޓެންޓްގެ ތެރޭގައި ޕޯޗްގަލްގެ ތަރި ކްރިސްޓިއާނޯ ރޮނާލްޑޯއާ ބެހޭ ފިލްމަކާއި ބްރެޒިލްގެ ތަރި ޑާނީ އަލްވެސްއާ ބެހޭ ޑޮކިއުމަންޓަރީއެއް ވެސް ހިމެނެ އެވެ.
"ފީފާ ޕްލަސް" ފޯނާއި ކޮމްޕިއުޓަރުން ވެސް ބަލާލެވޭނެ އެވެ. އަދި ގޫގުލް ޕްލޭ އާއި އެޕް ސްޓޯރުން އެ ޑައުންލޯޑްކުރެވޭނެ އެވެ. މީގެ ފުރަތަމަ މަހުގެ ތެރޭގައި އެކަނި ވެސް 1،400 މެޗް ލައިވްކޮށް ސްޓްރީމްކުރެވޭނެ އެވެ.
މިހާރު މުޅިން ހިލޭ ބަލާލެވޭ ގޮތަށް "ފީފާ ޕްލަސް" ދޫކުރި ނަމަވެސް ފަހުން އެ އުސޫލަށް ބަދަލުތަކެއް އައުން އެކަށީގެންވާ ކަމަށް އޭގެ ހެޑް ޗާލޮޓް ބާ ވިދާޅުވި އެވެ.
"މިއަށް ލިބޭ ތަރުހީބަށް ބަލާފައި ބަދަލުތަކެއް އައުން އެކަށީގެންވޭ." އޭނާ ވިދާޅުވި އެވެ.