ރައްޔިތުންގެ މަޖިލީހުގެ އެމްޑީޕީގެ މެމްބަރުން އިކޮނޮމިކް މިނިސްޓަރު ފައްޔާޒް އިސްމާއިލް އެމްޑީޕީގެ ޗެއާޕާސަންގެ މަގާމަށް ގެނައުމަށް ތާއީދުކުރަނީ އެއްވެސް މަޖުބޫރުކަމެއް ނެތި ކަމަށް ދިއްގަރު ދާއިރާގެ މެމްބަރު އިކްރާމް ހަސަން ވިދާޅުވެއްޖެއެވެ.
އިކްރާމް މިހެން ވިދާޅުވެފައިވަނީ ފުވައްމުލަކުގައި ރޭ ކުރިއަށްގެންދިޔަ ފައްޔާޒްގެ ކެމްޕޭން ހަފްލާއެއްގައި އެމްޑީޕީގެ މެމްބަރުން ބައިވެރިވި ފޮޓޯތަކާއެކު ކުރެއްވި ޓްވީޓެއްގައެވެ.
މި ޓްވީޓްގައި އިކްރާމް ވިދާޅުވީ ޗެއާޕާސަން ކަމަށް ފައްޔާޒް އަދި އަންހެނުންގެ ރޫހުގެ ރައިސްގެ މަގާމަށް ރޮޒައިނާ ގެނައުމަށް، އެމްޑީޕީގެ 40 އަށްވުރެއް ގިނަ މަޖިލިސް މެމްބަރުން އަދި ދާއިރާ ރައީސުންގެ ބޮޑު މެޖޯރިޓީއެއް ތާއީދުކުރަނީ އެއްވެސް މަޖުބޫރުކަމެއް ނެތި ކަމަށެވެ. އަދި އެއީ އެމްޑީޕީ ހިންގާލަން ބޭނުންވެ އަދި އެކަން ކުރެވޭނީ ފައްޔާޒާއި ރޮޒައިނާއަށް ކަމަށް ގަބޫލުކުރެވޭތީ ކަމަށްވެސް އިކްރާމް ވިދާޅުވިއެވެ.
Majleehuge 40 ah vure gina MDP MPs, 3/4 anhen MPs adhi Dhaairaa Raeesunge bodu majorityeh #Faya4CP adhi #Rozey4ARR ah evves majboor kameh nethi thaeedh kuraanee hageegathgaives #MDPhingaalan beynunve ekanvaanee @faya_i adhi @Roxeyna kamah gabool kohgen. Emmen ekuga #KKBK pic.twitter.com/Fnj69o1mIW
— Ikram Hassan MP (@ikramhassan) April 16, 2022
މޭ 14 ވަނަ ދުވަހު ބޭއްވުމަށް ނިންމާފައިވާ އެމްޑީޕީގެ ޗެއާޕާސަންގެ އިންތިހާބުގައި ވާދަކުރައްވަނީ ފައްޔާޒްގެ އިތުރުން މެމްބަރު އިމްތިޔާޒް ފަހުމީއެވެ.
ދެބޭފުޅުންވެސް ކެމްޕޭން ހަރަކާތްތައް ރާއްޖޭގެ އެކި ހިސާބުތަކުގައި ކުރިއަށްގެންދަމުން އަންނައިރު ކެމްޕޭންގެ ފޯރި ގަދަވެ އެމްޑީޕީގެ މަޖިލީހުގެ މެމްބަރުންގެ މެދުގައި ބަހުގެ ހަމަލާތައް ބަދަލުކޮށްހަދައެވެ.