ރޯދަ މަހުގެ ރޭތައް އިހުޔާކުރަން އިސްލާމިކް މިނިސްޓްރީން ބާއްވަމުން އަންނަ "އިހުޔާ ފޯރަމް" ގެ ތެރެއިން މިރޭ ރ. ދުވާފަރުން ފޯރަމް ގެނެސްދޭން ނިންމައިފި އެވެ.
މިނިސްޓްރީން ބުނީ އެ ރަށުން ގެނެސްދޭ ފޯރަމްގެ މައުޟޫ އަކީ "އީޖާބީ ވިސްނުން" ވިސްނުން ކަމަށާއި ފޯރަމްގައި ތަގުރީރުކުރައްވާނީ ޝައިޚް އަބްދުﷲ ރަޝީދާއި ޝައިޚް މުހައްމަދު ޝިފާން ކަމަށެވެ. މި ފޯރަމް ގެނެސްދޭނީ ދުވާފަރު ސްކޫލުން މިރޭ 9:30 ގަ އެވެ. އަދި ފޯރަމް ޓީވީއެމުން ލައިވްކުރާނެ އެވެ.
1443 ވަނަ އަހަރުގެ އިޙްޔާ ފޯރަމްގެ 8 ވަނަ ޕްރޮގްރާމް
މައުޟޫޢު : " އީޖާބީ ވިސްނުން"
🎙އައްޝައިޚް ޢަބްދުﷲ ރަޝީދު، އައްޝައިޚް މުޙައްމަދު ޝިފާން
📍ރ. ދުވާފަރު ޕްރައިމަރީ ސްކޫލް ހޯލް
⏰ގަޑި: 21:30
🗓️18 އެޕްރީލް 2022 (ހޯމަ)#އިޙްޔާ#ރޯދަ1443 pic.twitter.com/x5Cx9djwlD— Ministry of Islamic Affairs (@MVIaffairs) April 17, 2022
ކުރީ އަހަރުތަކާ ހިލާފަށް އިސްލާމިކް މިނިސްޓްރީން ވަނީ މި އަހަރު މާލޭގެ އިތުރުން އަތޮޅު ތެރެއިން "އިހުޔާ ފޯރަމް" ގެނެސްދޭން ފަށައިފަ އެވެ. އެގޮތުން މިހާރު ހދ. ކުޅުދުއްފުއްޓާއި އައްޑޫ ހިތަދޫން ވެސް ފޯރަމް ގެނެސް ދީފައިވެ އެވެ.
އަތޮޅު ތެރެއިން ބާކީ ފޯރަމް ދެން ގެނެސްދޭން އޮތީ ފުވައްމުލަކުންނެވެ.