އުތުރުގެ ރަށެއްގައި ކުޑަ ދެ ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި 19 އަހަރުގެ ދިވެހި ފިރިހެނަކު ހައްޔަރުކޮށްފި އެވެ.
ފުލުހުން ބުނީ އުމުރުން 13 އަހަރާއި 11 އަހަރުގެ އަންހެން ކުއްޖަކަށް ޖިންސީ ގޯނާ ކުރިކަމަށް ތުހުމަތު ކުރެވޭ މައްސަލައެއް ރިޕޯޓްކުރީ މިދިޔަ މަހުގެ 27 ގައި ކަމަށެވެ. އަދި އެ މައްސަލައާ ގުޅިގެން ޒުވާނާ ކޯޓު އަމުރެއްގެ ދަށުން މިދިޔަ ބުދަ ދުވަހު ހައްޔަރުކޮށްފައިވާ ކަމަށާއި ބަންދަށް 10 ދުވަސް ވެސް ޖަހާފައިވާ ކަމަށް ބުންޏެވެ.
މި މައްސަލަ ފުލުހުންނާއި ޖެންޑާ މިނިސްޓްރީ ގުޅިގެން އަންނަނީ ތަހުގީގު ކުރަމުންނެވެ.
ރާއްޖޭގައި ފަހަކަށް އައިސް ކުޑަކުދިންނަށް ޖިންސީ ގޯނާކޮށްގެން ރިޕޯޓްކުރާ މައްސަލަތައް ގިނަ އެވެ.