ރޯދަ މަހުގެ ފަހު ދިހައަކަށް ސްކޫލްތައް ބަންދުކުރަން ޝައިހް އަލީ ޒައިދު ގޮވާލައްވައިފި އެވެ.
އޭނަ ކުރެއްވި ޓްވީޓެއްގައި ވިދާޅުވީ މިފަހަރުގެ ރަމަޟާން މަސް ލައްވާލީ އަހަރުގެ އެންމެ ހޫނުގަދަ ދުވަސްވަރާއި ކަމަށާއި މަދުވަގުތުކޮޅަކު ކިޔަވަން ދިލަ އަވީގައި ދުއްވުމަށް ވުރެ، ހޯމްވޯކް ދިނުމަށްފަހު ފަހު ދިހައެއް ހުސްކޮށްލުން ރަނގަޅު ކަމަށް ފެންނަ ކަމަށެވެ.
"ރައްޔިތުންނަށް ލުއިކޮށްލައިދިނުމުގެ ގޮތުން މިކަން ކޮށްދިނުމަށް ސަރުކާރަށް ގޮވާލަން" ޒައިދު ވިދާޅުވި އެވެ.
ފަހު ދިހަޔަށް ސްކޫލްތައް ބަންދުކޮށްލަން ފެނޭ.
މިފަހަރުގެ ރަމަޟާންމަސް މިލައްވާލީ އަހަރުގެ އެންމެ ހޫނުގަދަ ދުވަސްވަރާ. މަދުވަގުތުކޮޅަކު ކިޔަވަން ދިލަ އަވީގައި ދުއްވުމަށްވުރެ، ހޯމްވޯކް ދީ ފަހު ދިހައެއް ހުސްކޮށްލުން ރަނގަޅުކަމުގައި އަޅުގަނޑަށް ފެނޭ.
ކޮބާތޯ ތިބޭފުޅުންގެ ޚިޔާލަކީ؟
— Ali Zaid (@alizaid1000) April 20, 2022
ޒައިދު މިކަމަށް ގޮވާލިއިރު ރޯދަ މަހުގެ ފަހު ދިހައަކަށް ރާއްޖޭގެ ބައެއް ސްކޫލްތައް ކޮންމެ އަހަރަކު ވެސް އަންނަނީ ބަންދުކުރަމުންނެވެ.
އޭޕްރީލް މަހަކީ ކޮންމެ އަހަރަކުވެސް އެންމެ ހޫނު ގަދަ މަސް ކަމަަށް މެޓް އޮފީހުން ބުނެ އެވެ. އަދި މި މަހުގެ މެންދުރު އިތުރަށް ހޫނު ގަދަވާނެ ކަމަށާއި ކޮންމެ ދުވަހެއްގެ އެންމެ ހޫނު ވާނީ މެންދުރު ދޭއް ޖަހާއިރު ކަމަށްވެސް މެޓް އޮފީހުން ބުނެ އެވެ.