ރައީސް އިބްރާހީމް މުހައްމަދު ސޯލިހުގެ ސަރުކާރު ވައްޓާލަން އެމްޑީޕީ މެމްބަރުން ބޭނުން ނޭދޭނެ ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެ އެވެ.
އަންނަ މަހު ބާއްވާ އެމްޑީޕީގެ ޗެއާޕާސަންގެ މަގާމަށް ވާދަކުރައްވާ އިމްތިޔާޒު ފަހުމީ (އިންތި) އާއި އޭނަގެ ކެމްޕޭން ޓީމުން ސަރުކާރަށް ފާޑުކިޔައި ދައްކަމުންދާ ވާހަކަތަކަށް އިޝާރާތްކޮށް ނިހާދު ކުރެއްވި ޓްވީޓެއްގައި ވިދާޅުވީ ސަރުކާރު ވައްޓާލައި، އަނިޔާ ލިބެން އެމްޑީޕީގެ މެމްބަރުން މަގުމައްޗަށް ނުކުންނަން ވެސް ބޭނުން ނުވާނެ ކަމަށެވެ.
MDP ge Memberun 7 Aharu vandhen aniyaa aai veynugai ulhe, jaanaai maalun gurubaan vegen genai MDP in ufedhdhi sarukaaru vattaalai, aniyaa aai kurimathilaan magu machchah nikunnaakah MDP member aku ne~edheyne! Sarukaaraai eku party hingaalaigen ufaaverikan libigannamaa! #Faya4CP
— Feydhoo Meehaa (Mohamed Nihad) (@nihad_m) April 23, 2022
"[މިއީ] އެމްޑީޕީގެ މެމްބަރުން ހަތް އަހަރު ވަންދެން އަނިޔާ އާއި ވޭނުގައި އުޅެ ޖާނާއި މާލުން ގުރުބާންވެގެން ގެނައި ސަރުކާރެއް." އޭނާ ވިދާޅުވި އެވެ.
ޗެއާޕާސަން އިންތިހާބުގައި ވާދަކުރައްވާ އިކޮނޮމިކް ފައްޔާޒް އިސްމާއީލަށް ތާއިދުކުރައްވާ ނިހާދު ވިދާޅުވީ އެމްޑީޕީގެ މެމްބަރުން ބޭނުން ވާނީ ސަރުކާރާ އެކު ޕާޓީ ހިންގައި އުފާވެރިކަން ލިބިގަންނަން ކަމަށެވެ.