އަރަބި އިސްލާމީ ތައުލީމު ރާއްޖޭގައި ފޮހެލަން މަސައްކަރްކުރާ ކަމަށް ޑރ. މުހައްމަދު އިޔާޒް ވިދާޅުވެއްޖެ އެވެ.
"އިންޑިއާ އައުޓް" ކެމްޕޭނަކީ ގައުމީ ސަލާމަތަށް އޮތް ނުރައްކަލެއް ކަމަށް ކަނޑައަޅައި ސަރުކާރުން ނެރުނު ގަރާރަށް ގޮންޖަހާފައިވާ ކަމަށް ތުހުމަތުކޮށް އަރަބިއްޔާ ސްކޫލްގެ ހަދީސް ޓީޗަރު ޝައިހް ޒަމްޒަމް ފާރިޝް މަސް ދުވަހަކަށް އެޑިއުކޭޝަން މިނިސްޓްރީން ސަސްޕެންޑްކުރި މައްސަލައާ ގުޅުވައިގެން އިޔާޒް ކުރެއްވި ޓްވީޓެއްގައި ވިދާޅުވީ ދީނީ ތައުލީމު އުނގަންނައިދޭ ޓީޗަރަކު ސަސްޕެންޑްކުރުމަކީ އަރަބި އިސްލާމީ ތައުލީމު ފޮހެލުމަށް އެޑިއުކޭޝަން މިނިސްޓްރީގެ ތެރޭގައި ބަޔަކު ހިންގާ މުޑުދާރު ޖަރީމާތަކެއްގެ ބައެއް ކަމަށެވެ.
"މާތްﷲ އަޅަމެންނަށް ކެތްތެރިކަމާއި ޘާބިތުކަން ދެއްވާށި. މައްކަރުންގެ ރޭވުންތައް ފެއިލްކުރައްވާ އެބައިމީހުން ނިކަމެތި ކުރައްވާށި. އާމީން." އޭނާ ވިދާޅުވި އެވެ.
މިއީ ޢަރަބި އިސްލާމީ ތަޢުލީމު ފޮހެލުމަށް @MoEdumvގެ ތެރޭގައި ބަޔަކު ހިންގާ މުޑުދާރު ޖަރީމާތަކެއްގެ ބަޔެއް. މާތްﷲ އަޅަމެންނަށް ކެތްތެރިކަމާއި ޘާބިތުކަން ދެއްވާށި. މައްކަރުންގެ ރޭވުންތައް ފެއިލްކުރައްވާ އެބައިމީހުން ނިކަމެތި ކުރައްވާށި. އާމީން.
— Dr.Mohamed Iyaz (@dr_iyaz) April 22, 2022
އިޔާޒް ވިދާޅުވީ ޒަމްޒަމްއާ ބައެއް ކަހަލަ މައްސަލަތަކުގައި ޚިޔާލު ތަފާތު ނަމަވެސް އޭނާ އަކީ ދީނީ އިސްލާހީ މަސައްކަތްތަކުގައި ވަރަށް އިހުލާސްތެރި، ތެދުވެރި އަދި ވަފާތެރި ބޭފުޅެއް ކަމަށެވެ.
"ދެ ހާފިޒުންގެ ބައްޕައެއް. އެޑިއުކޭޝަނުން އޭނާއާ މެދު އަޅާފައިވާ ޣައިރު ޤާނޫނީ ފިޔަވަޅުގެ އަޞްލަކީ ވެސް އެއީ،" އޭނާ ވިދާޅުވި އެވެ. "الله އަށް ތަޤްވާވެރިވެއްޖެ މީހާ އަށް މަގު ދައްކަވާނެކަމާއި ހީވެސް ނުކުރާ ގޮތްގޮތަށް ރިޒްޤު ތަނަވަސްކޮށް ދެއްވާނެކަމުގެ ޔަގީންކަން ޤުރްއާނުގައި ދެއްވާފައިވޭ. ޒަމްޒަމް ކަންބޮޑުވެ ނުލައްވާތި. އެޑިއުކޭޝަނަށް ވަޒީފާ ހިފެހެއްޓުނަސް اللهގެ ރިޒްޤު ބަންދެއް ނުކުރެވޭނެ."
Raees ge qaraarah gonjehi kamah bune alhugandu vazeefaain 30 dhuvahah suspend koffaivaa kamah bunefaivaa tweet akee miee. Meega ebaoi thoa gonjahaafa?
Meegai alhugadu bunefaivanee qaanoon aa qavaaidhaa khilaafah raajje arai thibi india sifain mi qaumun baalan dhamaafaivaa 👇 pic.twitter.com/ZIjQHkctfr— ZamzamFarish – ޒަމްޒަމް ފާރިޝް (@ZamzamFarish) April 21, 2022
އޭނަ އަށް އެޅި ފިޔަވަޅާ ބެހޭ ގޮތުން ޒަމްޒަމް ވިދާޅުވެފައި ވަނީ ގަވައިދާ ހިލާފު ފިޔަވަޅަކަށްވާތީ އެކަން ކަމާ ބެހޭ ފަރާތްތަކަށް ހުށަހަޅާނެ ކަމަށެވެ. އެޑިއުކޭޝަނުން އޭނާ 30 ދުވަހަށް މިދިޔަ ބުދަ ދުވަހު ސަސްޕެންޑްކުރީ ކުރީގެ ރައީސް އަބްދުﷲ ޔާމީންގެ ގޭގައި ދެމި "އިންޑިއާ އައުޓް" ބެނާ ފުލުހުން ނެގުމުން އެކަމާ ވެސް ގުޅުވާފައި ކުރެއްވި ޓްވީޓަކާ ގުޅިގެންނެވެ.