ރޯދަ މަހުގެ ރޭތައް އިހުޔާކުރަން އިސްލާމިކް މިނިސްޓްރީން ބާއްވަމުން އަންނަ "އިހުޔާ ފޯރަމް" ގެ ތެރެއިން މިރޭގެ ފޯރަމް ގދ. ތިނަދޫ އިސްލާމީ މަރުކަޒުން ގެނެސްދޭ ގޮތަށް ހަމަޖެހިއްޖެ އެވެ.
މި ފޯރަމްގައި "ހުޖުރާތު ސޫރަތުގެ އަލީގައި އިންސާނާގެ ކަރާމާތް" މި މައުޟޫއަށް ވާހަކަ ދައްކަވާނީ ޑރ. އަބްދުﷲ ޖަމީލާއި ޝައިހް ހުސައިން އަބްދުﷲ ސައީދެވެ. މިރޭ 9:30 ގައި ފަށާ ފޯރަމް އިސްލާމިކް މިނިސްޓްރީގެ ސޯޝަލް މީޑިއާ އެކައުންޓްތަކުން ލައިވް ކުރާނެ އެވެ.
1443 ވަނަ އަހަރުގެ އިޙްޔާ ފޯރަމްގެ 12 ވަނަ ޕްރޮގްރާމް
މައުޟޫޢު : " ޙުޖުރާތު ސޫރަތުގެ އަލީގައި އިންސާނީ ކަރާމާތް ''
🎙ޑރ. އަބްދުﷲ ޖަމީލް އަދި އައްޝައިޚް ޙުސައިން ޢަބްދުﷲ ސަޢީދު
📍ގދ. ތިނަދޫ އިސްލާމިކް ސެންޓަރުގައި
⏰ގަޑި: 21:30
🗓️25 އެޕްރީލް 2022 (ހޯމަ) #އިޙްޔާ#ރޯދަ1443 pic.twitter.com/yrL0kkj3jk— Ministry of Islamic Affairs (@MVIaffairs) April 24, 2022
ކުރީ އަހަރުތަކާ ހިލާފަށް އިސްލާމިކް މިނިސްޓްރީން ވަނީ މި އަހަރު މާލޭގެ އިތުރުން އަތޮޅު ތެރެއިން "އިހުޔާ ފޯރަމް" ގެނެސްދޭން ފަށައިފަ އެވެ. އެގޮތުން ހދ. ކުޅުދުއްފުއްޓާއި އައްޑޫ ހިތަދު އާއި ރ. ދުވާފަރާއި ފުވައްމުލަކުން ވެސް މި ފަހަރު ފޯރަމް ގެނެސް ދީފައިވެ އެވެ.
މިރޭ ތިނަދޫގައި ބާއްވާ ފޯރަމަކީ މި އަހަރުގެ 12 ވަނަ ފޯރަމެވެ.