ރައްޔިތުންގެ މަޖިލީހުގެ ޖުޑިޝަރީ ކޮމިޓީ އަށް ޒިންމާ އަދާނުކުރެވޭ ކަމަށް ވިދާޅުވެ އެ ކޮމިޓީން އައްޑޫ ފޭދޫ ދާއިރާގެ މެމްބަރު މުހައްމަދު ނިހާދު ވަކިވެވަޑައިގެންފި އެވެ.
އޭނަ ކުރެއްވި ޓްވީޓެއްގައި ވިދާޅުވީ ޖުޑިޝަރީ ކޮމިޓީގައި ހުރި މުހިއްމު ބޮޑެތި މައްސަލަތަކާއި ބިލްތައް ނުނިންމައި އަމިއްލަ އެދުމާ އުޅުން ބަލައިނުގަނެވޭނެ ކަމަށެވެ. އެހެންވެ އެފަދަ ކޮމިޓީއެއްގައި ހުންނަން ބޭނުން ނުވާ ކަމަށް ދަންނަވާފައިވާ ކަމަށް ވިދާޅުވި އެވެ.
ނިހާދު ވިދާޅުވި ގޮތުގައި ޖުޑިޝަރީ ކޮމިޓީގައި ނިންމަން ހުރި މަސައްކަތްތަކުގެ ތެރޭގައި ބާ އިމްތާނުގެ މައްސަލަ އާއި ހައި ކޯޓްގެ މައްސަލަ އާއި ކޯޓާ ބެހޭ ގާނޫނުގެ މައްސަލައިގެ އިތުރުން ހެއްކާ ބެހޭ ގާނޫނާ ބެހޭ މައްސަލަ ހިމެނެ އެވެ.
Qaanoonee zinmaa adhaa nukurevey committee ehgai hunnan Beynun nuvaa kamah dhannavaifin! Judiciary committee gai Huri Muhimmu bodethi massala thakaai bill thah nuninmaa Amilla edhumah ulhun kada!
Nuninmaa:
– Bar Imthihaan
– High Court
– Court aa Behey Qaanoon
– Hekka behey Qaan..— Feydhoo Meehaa (Mohamed Nihad) (@nihad_m) April 27, 2022
ޖުޑިޝަރީ ކޮމިޓީގެ މަސައްކަތްތަކާ އޭނާ ފެއަށް ޖެހިވަޑައިގެންނެވި އިރު މީގެ ކުރިން ވެސް ކޮމިޓީގެ މަސައްކަތް ނުހިންގައި ލަސްކުރާތީ ކަންބޮޑުވުން ފާޅުކުރައްވާފައިވެ އެވެ. ނިހާދު ވިދާޅުވީ އެމްޑީޕީގެ ޗެއާޕާސަންގެ މަގާމަށް ވާދަކުރައްވާ ފައްޔާޒް އިސްމާއީލަށް ޖޭއެސްސީގެ ރައީސް އަދި ތުޅާދޫ ދާއިރާގެ މެމްބަރު ހިސާން ހުސައިން ތާއިދުކުރެއްވުމަކީ ޖުޑިޝަރީގެ ކޮމިޓީން އޭގެ މަސައްކަތްތަކަށް ހުރަސް އަޅަން ޖެހޭ ސަބަބެއް ނޫން ކަމަށެވެ.
"ހިސާން ފައްޔާޒަށް ތާއީދު ކުރުމަކީ ޖެއްސުން ކުރަންޖެހޭ ސަބަބެއް ނޫން. ބޭނުމީ އިންސާފު." ފައްޔާޒަށް ތާއީދުކުރައްވާ ނިހާދު ވިދާޅުވެފައިވެ އެވެ.