ރޯދަ މަހުގެ ރޭތައް އިހުޔާކުރަން އިސްލާމިކް މިނިސްޓްރީން ބާއްވަމުން އަންނަ "އިހުޔާ ފޯރަމް" ގެ ތެރެއިން މިރޭ ބާއްވާ ފޯރަމްގައި ޝައިހް ފައްޔާޒް އަލި މަނިކާއި ޑރ. އަބްދުއްސައްތާރު އަބްދުއްރަހުމާން ތަގުރީރުކުރައްވާ ގޮތަށް ހަމަޖެހިއްޖެ އެވެ.
މިނިސްޓްރީން ބުނީ މިރޭ އިސްލާމިކް މަރުކަޒުގައި 9:30 ގައި ފަށާ ފޯރަމްގައި އެ ދެ ބޭފުޅުން ވާހަކަ ދައްކަވާނީ "އިންސާނީ ހާލަތު ޤުރުއާނުގެ އަލީގައި" މި މައުޟޫއަކަށް ކަމަށެވެ. މިރޭގެ ފޯރަމް ޓީވީއެމާއި ވީޓީވީގެ އިތުރުން އިސްލާމިކް މިނިސްޓްރީގެ ސޯޝަލް މީޑިއާ އެކައުންޓްތަކުން ވެސް ލައިވްކުރާނެ އެވެ.
1443 ވަނަ އަހަރުގެ އިޙްޔާ ފޯރަމްގެ 13 ވަނަ ޕްރޮގްރާމް
މައުޟޫޢު: " އިންސާނުންގެ ޙާލަތު ކީރިތި ޤުރުއާނުގެ އަލީގައި ''
🎙ޑރ. ޢަބްދުއްސައްތާރު ޢަބްދުއްރަޙްމާން އަދި އައްޝައިޚް ފައްޔާޟް ޢަލީ މަނިކް
📍އިސްލާމީ މަރުކަޒުގެ ޖަލްސާކުރާ މާލަމް
⏰ގަޑި: 21:30
🗓️28 އެޕްރީލް 2022 (މިރޭ) pic.twitter.com/mYvQcNiQ7c— Ministry of Islamic Affairs (@MVIaffairs) April 28, 2022
މިރޭ ބާއްވަނީ މި އަހަރުގެ 13 ވަނަ ފޯރަމެވެ.
ކުރީ އަހަރުތަކާ ހިލާފަށް އިސްލާމިކް މިނިސްޓްރީން ވަނީ މި އަހަރު މާލޭގެ އިތުރުން އަތޮޅު ތެރެއިން "އިހުޔާ ފޯރަމް" ގެނެސްދޭން ފަށައިފަ އެވެ. އެގޮތުން ހދ. ކުޅުދުއްފުއްޓާއި އައްޑޫ ހިތަދު އާއި ރ. ދުވާފަރާއި ފުވައްމުލަކާއި ގދ. ތިނަދޫން ވެސް ފޯރަމް ގެނެސް ދީފައިވެ އެވެ.