ދުނިޔޭގައި ދިރިއުޅެމުންދާއިރު މާޔޫސްވާ ހާލަތްތަކުގައި ކެތްތެރިކަން އިސްކުރުމަށް ރޭގެ އިޙްޔާ ފޯރަމްގައި އިލްތިމާސްކޮށްފި އެވެ.
ރަމަޟާން މަހުގެ ރޭތައް އިޙްޔާކުރުމަށް ބޭއްވި އިޙްޔާ ފޯރަމްތަކުގެ ތެރެއިން އެންމެ ފަހު ފޯރަމްގައި ރޭ ތަޤްރީރު ކުރައްވާފައި ވަނީ ޑރ. ޢަބްދުއްސައްތާރު ޢަބްދުއްރަޙްމާން އަދި އައްޝައިޚް ފައްޔާޟް ޢަލީ މަނިކެވެ.
"އިންސާނުންގެ ޙާލަތު ކީރިތި ޤުރުއާނުގެ އަލީގައި" މި މައުޟޫޢުއަށް ރޭގެ ފޯރަމްގައި ތަޤްރީރު ކުރައްވަމުން ޑރ. ޢަބްދުއްސައްތާރު ޢަބްދުއްރަޙްމާން އަދި އައްޝައިޚް ފައްޔާޟް ޢަލީ މަނިކުގެ ވާހަކަފުޅުގައި ވެސް ކީރިތި ޤުރުއާނުގެ އަލީގައި އިންސާނުގެ ޙާލަތު އޮޅުންފިލުއްވައި ދެއްވި އެވެ.
އިޙްޔާ ފޯރަމް
"އިންސާނުންގެ ޙާލަތު ކީރިތި ޤުރުއާނުގެ އަލީގައި"
ޑރ. ޢަބްދުއްސައްތާރު ޢަބްދުއްރަޙްމާން، އައްޝައިޚް ފައްޔާޟް ޢަލީ މަނިކް
24 އެޕްރީލް 2022#MVIaffairs #Roadha43 #IhyaForum#އިޙްޔާ#ރޯދަ1443 pic.twitter.com/4R5habRFkw— Ministry of Islamic Affairs (@MVIaffairs) April 28, 2022
އެގޮތުން މީސްތަކުން ބެހިފައިވާ ބައިތަކަށް ބައްލަވާލައްވާފައިވެއެވެ. އެއީ ހަތަރު ބަޔަށްކަމަށާއި އެ ހަތަރުބަޔަކީ މުއުމިނުން، ކާފިރުން، މުނާފިޤުން އަދި އަހުލުކިތާބުންކަމަށް ވިދާޅުވެ، މުސްލިމުން ބެހިފައިވާ ބައިތަކަށްވެސް ބައްލަވާލެއްވިއެވެ.
މުސްލިމުންގެ ތެރެއިން ހެޔޮކަމުގައި ކުރިއަރައިދާ މީހުންނާއި ހެޔޮކަމުގައި މެދުމިން ޙިޔާރުކުރާ މީހުންނާއި ނަފްސަށް އަނިޔާވެރިވާ މީހުން ހިމެނޭކަމަށް ވިދާޅުވިއެވެ.
— Ministry of Islamic Affairs (@MVIaffairs) April 28, 2022
އިންސާނާއަށް ދިރިއުޅުމުގައި ދިމާވާ އެކި ކަންތައްތަކުގެ ތެރެއިން މާޔޫސްވާ ޙާލަތްތައް އައުމުން ޢަމަލުކުރަންވީ ގޮތްތަކަށް ބައްލަވާލައްވަމުން، މާޔޫސްވާ ސަބަބު ދެނެގަނެ، އެހީތެރިކަން ބޭނުންވެ، ނުވަތަ ފަރުވާއެއް ހޯދަން ޖެހޭ ކަމުގައިވާނަމަ އެގޮތަށް ޢަމަލުކޮށް އިސްލާމްދީނުގައި އަންގަވާފައިވާ ޒިކުރުތަކާއި ދުޢާތައް ކިޔުމާއިއެކު ކެތްތެރިކަން އިސްކުރުމަށް ނަސޭހަތްތެރިވެ ވަޑައިގެންނެވި އެވެ.
މި ބައިތަކަށް ބައްލަވާލައްވަމުން ގަޟާ ގަދަރަށް އީމާންވުމުގެ މުހިންމުކަމާއި އިންސާނުންގެ ނިކަމެތިކަމަށް ތަފްސީލީ ގޮތެއްގައި ބައްލަވާލެއްވި އެވެ. އަދި އިންސާނުންނަކީ ނިޢުމަތެއް ލިބުމުން ބޮޑާވާ ބައެއްކަމަށާއި ހަވާ ނަފްސަށް ތަބަޢަވެ، ދަހިވެތިވެގެންވާ ބައެއްކަމަށްވެސް ވިދާޅުވި އެވެ.