މިނިމަމް ވޭޖް ކަނޑައެޅުމުން މަސައްކަތްތެރިންގެ ހައްޤުތައް ކަށަވަރުވީކަމަށް ގަބޫލުނުކުރާ ކަމަށް އެމްއެންޕީގެ ރައިސް އަދި ދަނގެތީ ދާއިރާގެ މެމްބަރު ކާނަލް ރިޓަޔާޑް މުހައްމަދު ނާޒިމް ވިދާޅުވެއްޖެއެވެ.
ބައިނަލްއަޤްވާމީ މަސައްކަތްތެރިންގެ ދުވަހުގެ މުނާސަބަތުގައި ކުރެއްވި ޓްވީޓެއްގައި ކާނަލް ނާޒިމް ވަނީ މަސައްކަތްތެރިންގެ ދުވަހުގެ ތަހުނިޔާ މަސައްކަތްތެރިންނަށް އަރިސްކޮށްފައެވެ.
އަދި ވިދާޅުވީ ރާއްޖޭގައި އެންމެ ކުޑަ އުޖޫރަ ކަނޑައެޅުމުން މަސައްކަތްތެރިންގެ ހައްގުތައް ކަށަވަރުވީކަމަކަށް ގަބޫލުނުކުރާ ކަމަށެވެ. އަދި މަސައްކަތްތެރިންގެ ހައްގުތައް ގިނަގުނަ ކަމަށާއި، އެކަންކަން ކަށަވަރުވޭތޯ ބަލަން ޖެހޭ ކަމަށްވެސް ވިދާޅުވިއެވެ.
ބައިނަލްއަގުވާމީ މަސައްކަތްތެރިންގެ ދުވަހުގެ ތަހުނިޔާ އެންމެހާ މަސައްކަތްތެރިންނަށް ދަންނަވަން. ރާއްޖޭގައި އެންމެ ކުޑަ އުޖޫރަ ކަނޑައެޅުމަކީ މަސައްކަތްތެރިންގެ ހައްގުތައް ކަށަވަރުވީކަމަކަށް ގަބޫލުނުކުރަން. މަސައްކަތްތެރިންގެ ހައްގުތައް ގިނަގުނަ، ކަށަވަރުވޭތޯ ބަލަން ޖެހޭ. #MayDay
— Col(rtd)Mohamed Nazim MP (@nazim7878) April 30, 2022
ކޮންމެ އަހަރެއްގެވެސް މޭ 1 ވަނަ ދުވަހަކީ މަސައްކަތްތެރިންގެ ދުވަހުގެ ގޮތުގައި ފާހަގަކުރަމުން އަންނަ ދުވަހެވެ.
ރައީސް އިބްރާހިމް މުހައްމަދު ސޯލިހްގެ ރިޔާސި ވައުދުގެ ތެރޭގައި ހިމަނައިގެން ރާއްޖޭގައި މިނިމަމް ވޭޖް ދޭން ފަށާފައިވަނީ މިދިޔަ އަހަރުއެވެ.