އެމްޑީޕީ އޮންނަންޖެހޭނީ މަސައްކަތްތެރިންގެ އެންމެ ގާތް މަދަދުވެރިޔާގެ ގޮތުގައި ކަމަށް އެމްޑީޕީގެ ޗެއާޕާސަންގެ މަގާމަށް ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ވިދާޅުވެއްޖެއެވެ.
ބައިނަލްއަޤްވާމީ މަސައްކަތްތެރިންގެ ދުވަހުގެ މުނާސަބަތުގައި ކުރެއްވި ޓްވީޓެއްގައި އިންތި ވިދާޅުވީ ތިމާގެ ހަލާލު މަސައްކަތުން ތާހިރު ދިރިއުޅުމެއް އުޅޭ ދިވެހި މަސައްކަތްތެރިޔާ އުފެއްދުމަކީ އެމްޑީޕީގެ އެންމެ ބޮޑު މަސައްކަތް ކަމަށެވެ.
އެމްޑީޕީ އަބަދުވެސް އޮންނަންޖެހޭނީ މަސައްކަތްތެރީންގެ އެންމެ ގާތް މަދަދުވެރިޔާގެ ގޮތުގައި ކަމަށް ވެސް އިމްތިޔާޒް ވިދާޅުވިއެވެ. އަދި އެމްޑީޕީގެ އަމާޒު ކައްސާލިޔަދީގެން ނުވާނެ ކަމަށްވެސް ވިދާޅުވިއެވެ.
ތިމާގެ ހަލާލު މަސައްކަތުން ތާހިރު ދިރިއުޅުމެއް އުޅޭ ދިވެހި މަސައްކަތްތެރިޔާ އުފެއްދުމަކީ @MDPSecretariat ގެ އެންމެ ބޮޑު މަސައްކަތް.
މިޕާޓީ އަބަދުވެސް އޮންނަންޖެހޭނީ މަސައްކަތްތެރީންގެ އެންމެ ގާތް މަދަދުވެރިޔާގެ ގޮތުގައި.
މިޕާޓީގެ އަމާޒު ކައްސާލިޔަދީގެން ނުވާނެ.#MayDay2022 pic.twitter.com/6saSemaS9K
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) May 1, 2022
ކޮންމެ އަހަރެއްގެވެސް މޭ 1 ވަނަ ދުވަހަކީ މަސައްކަތްތެރިންގެ ދުވަހުގެ ގޮތުގައި ފާހަގަކުރަމުން އަންނަ ދުވަހެވެ.