އެމްޑީޕީ ޗެއާޕާސަންގެ އިންތިހާބުގައި ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ކެމްޕޭނަށް ރާއްޖޭގެ މީހުން ދިރިއުޅޭ ހުރިހާ ރަށަކަށް ދަތުރުކޮށްފިއެވެ.
އެގޮތުން އެންމެ ފަހުން އިންތި ކެމްޕޭނަށް ވަޑައިގެންފައިވަނީ ހދ. މަކުނުދޫއަށެވެ. އެރަށުގައި އެމްޑީޕީ މެމްބަރުންނާ ބައްދަލުކޮށް ވާހަކަ ދައްކަވަމުން އިންތި ވަނީ ކެމްޕޭނަށް ރާއްޖޭގެ ހުރިހާ ރަށަކަށް ދެވިފައިވާކަން ހާމަކުރައްވާފައެވެ. އަދި އިރާދަކުރެއްވިއްޔާ އިންތިހާބު ބޮޑުތަނުން ކާމިޔާބު ކުރައްވާނެ ކަމަށް ވިދާޅުވިއެވެ.
މި ކެމްޕޭންގައި އިންތި ވަނީ ރަށްރަށުގެ އެމްޑީޕީ މެމްބަރުންނާ ބައްދަލުކޮށް ދޮރުން ދޮރަށް ހަރަކާތް ކުރިއަށް ގެންގޮސްފައެވެ.
“ރާއްޖޭގެ ހުރިހާ ރަށަކަށް ޗެއާރޕާސަން އިންތިހާބުގައި އަޅުގަނޑުމެން އަރާ މިނިމުނީ، އިރާދަކުރެއްވިއްޔާ ވަރަށް ރަގަނޅު ނަތީޖާއާ އެކު އަޅުގަނޑިމެން މޮޅުވާނެ”
މަކުނުދޫ އިންތި އާއެކު 💛#Live @Imthiyazfahmy #InthiAaEku #ThilafathugeRamzu pic.twitter.com/1g5KKBhKx7
— Sim (@Simwarr) May 8, 2022
މި އިންތިހާބުގައި އިންތިއާ ވާދަކުރައްވަނީ އިކޮނޮމިކް މިނިސްޓަރު ފައްޔާޒް އިސްމާއިލްއެވެ. މޭ 14 ވަނަ ދުވަހު ބާއްވާ މި އިންތިހާބުގެ ކެމްޕޭން ފޯރި ގަދަވެފައިވާއިރު، އިންތިއަށް ތާއީދުކުރާ ފަރާތްތަކާއި ފައްޔާޒަށް ތާއީދުކުރާ ފަރާތްތަކުގެ މެދުގައި އަންނަނީ ބަހުގެ ހަމަލާތައްވެސް ބަދަލުކުރަމުންނެވެ.