އެމްޑީޕީ ޗެއާޕާސަން އިންތިހާބުގައި ސަރުކާރުގެ ކުންފުނިތައް ބަނގުރޫޓުވާވަރު ކޮށްފައިވާ ކަމަށް މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް ކުރެއްވި ޓްވީޓެއްގައި ވިދާޅުވެފައިވަނީ އެމްޑީޕީގެ އިންތިހާބުގައި ސަރުކާރު ބައެއް ކުންފުނިތައް ބަނގުރޫޓޫވާވަރު ކޮށްފައިވާ ކަމަށާއި، މިކަން ތަކުރާރުވާނަމަ ރާއްޖެ ބަނގުރޫޓުވާނެ ކަމަށެވެ.
މީގެއިތުރުން އާދަމް ޝަރީފް ވިދާޅުވީ މިފަދަ ކަންކަން ތަކުރާރުވާނަމަ އިންތިހާބުތަކުގެ އިތުބާރު ގެއްލި ރައްޔިތުން ވޯޓުލާން ނިކުތުން މަދުވާނެ ކަމަށެވެ. އަދި އާދަމް ޝަރީފް ވަނި ކުންފުނިތަކުގެ އޮޑިޓެއް އަވަހަށް ހެދުމަށް ގޮވާވެސްލާފައެވެ.
MDP ge chairperson hovumah beyvvi Inthihaabugai sarukaaruge baeh kunfunithah banguroot vaavarukoffi.Mikan thakuraaruvaanama, Raajje banguroot vumuge ithurun inthikhaabuthakuge ithubaaru gelli, rayyithun vote laan nikuthun madhuvedhaane! Kunfunithakuge audit eh avahah hadhanjehey!
— Adam Shareef Umar (@Adamshareefz) May 15, 2022
އެމްޑީޕީ ޗެއާޕާސަންގެ އިންތިހާބާ ދިމާކޮށް ސަރުކާރު އަދި އެހެންވެސް އިންތިހާބުތަކާ ދިމާކޮށް ސަރުކާރުން ދައުލަތުގެ ވަސީލަތްތައް ނަހަމަގޮތުގައި ބޭނުންކުރާކަމުގެ ތުހުމަތު އިދިކޮޅު ފަރާތްތަކުން އަޅުވައެވެ.