ހޮނިހިރު ދުވަހު ބޭއްވި އެމްޑީޕީގެ އިންތިހާބުގައި ފައްޔާޒް އިސްމާއީލް ޗެއާޕާސަންގެ މަގާމު ކާމިޔާބުކުރެއްވުމާ އެކު، އޭނާ އަށް ކުރިން ބަހުގެ ހަމަލާތައް ދެއްވަމުން ގެންދެވި ކުރީގެ ރައީސް މުހައްމަދު ނަޝީދުގެ ރާގު މިހާރު މުޅިން ބަދަލުވެ، މިއަދު އަނެއްކާ ވެސް ތަފާތު މަންޒަރެއް ދައްކާލައިފި އެވެ.
މިއަދަކީ އިކޮނިމިކް މިނިސްޓަރު ފައްޔާޒުގެ އުފަން ދުވަހެވެ. އެހެންވެ މިއަދު އޭނާ އާއި ނަޝީދު އެމްޑީޕީގެ އޮފީހަށް ވަޑައިގެންނެވި އިރު އޮތީ އޮފީހުގެ ފަރާތުން އޮތީ ކުޑަވަރެއްގެ ހަފުލާއެއް ވެސް ރާވައިފަ އެވެ. އެހެންވެ އޮފީހުގައި އުފަން ދުވަހުގެ ކޭކު ވެސް ފައްޔާޒު ފެޅުއްވި އެވެ. ހާއްސަ ކަމަކީ ފައްޔާޒު ކޭކު ފެޅުއްވި އިރު، ނަޝީދު "ހެޕީ ބާތު ޑޭ" ލަވަ ވެސް ވިދާޅުވެ، އުފަން ދުވަހުގެ މަރުހަބާ ވެސް ވަރަށް ޖޯޝްގައި ވިދާޅުވިކަމެވެ.
Happy birthday Chairperson @faya_i 🎉 pic.twitter.com/QoTt1q5h9g
— Maimoon (@mrsays_) May 16, 2022
މި މަންޒަރު ފެންނަ ވީޑިއޯއެއް ސޯޝަލް މީޑިއާގައި ވެސް އާންމުކޮށްފައިވެ އެވެ. އަދި އެމްޑީޕީގެ ޓްވިޓާގައި އޮފީހުގައި މިއަދު އޮތް ބައްދަލުވުމުގެ ފޮޓޯއެއް ވެސް ހިއްސާކޮށްފައިވެ އެވެ.
ޕާޓީގެ ރައީސް، ރައީސް @MohamedNasheed،
ޗެއަރޕާސަން އިލެކްޓް އަލްއުސްތާޛް @faya_i، ޑެޕިއުޓީ ޗެއަރޕާސަން @ali_niya އެމްޑީޕީ ސެކްރެޓޭރިއެޓްގަ pic.twitter.com/mHtSvJtzM6— MDP Secretariat (@MDPSecretariat) May 16, 2022
އިންތިހާބުގެ ކުރިން ފައްޔާޒް މަސައްކަތްކުރައްވަނީ ނަޝީދު އެމްޑީޕީން ބޭރުކޮށްލުން ފަދަ އެތައް ތުހުމަތެއް ވެސް ކުރައްވައި، އަދި ސީދާ ނަޝީދު ފައްޔާޒަށް ބަހުގެ އެތައް ހަމަލާތަކެއް ދެއްވުމަށް ފަހު، އިއްޔެ ހަވީރު ފައްޔާޒަށް މަރުހަބާ ވިދާޅުވެ ކުރެއްވި ޓްވީޓެއްގައި ވިދާޅުވީ އާ ޗެއާޕާސަނާ އެކު ޕާޓީ އަށް އިތުރު ކުރިއެރުމާއި ކާމިޔާބީ ހޯދޭނެ ކަމަށެވެ.
Faya ashai Faya ge campaign team ah adhi Inthi ashai Inthi ge campaign team ah varah bodah marhaba. Faya ge chairperson kamuga MDP ah ithuru kaamiyaabee thah hoadhaanekamee alhuganduge hithuga shakku hingaa kameh noon. https://t.co/dsVh4QcAnU
— Mohamed Nasheed (@MohamedNasheed) May 15, 2022
ނަޝީދުގެ އެގޮތަށް ޓްވީޓްކުރެއްވި ފައްޔާޒާ އެކީ އިންތިހާބުގައި ވާދަކުރެއްވި އިމްތިޔާޒް ފަހުމީ އިންތި) ބަލި ގަބޫލުކުރައްވައި އިއްޔެ ހަވީރު ފައްޔާޒަށް މަރުހަބާ ވިދާޅުވިތާ ކުޑަ އިރުކޮޅެއް ފަހުންނެވެ.