ފުވައްމުލަކުގައި ޓޭބަލް ޓެނިސް (ޓީޓީ) އަށް ހާއްސަ ސެންޓަރެއް ހަދަން މަޝްވަރާކޮށްފި އެވެ.
މިކަމާ ބެހޭ ގޮތުން މަޝްވަރާކުރީ އިއްޔެ ޔޫތު މިނިސްޓްރީގަ އެވެ. އެ ބައްދަލުވުމުގައި ޔޫތު މިނިސްޓަރު އަހުމަދު މަހުލޫފާއި ޓީޓީ އެސޯސިއޭޝަންގެ ވެރިން ބައިވެރިވަޑައިގެންނެވި އެވެ. ފުވައްމުލަކު ސިޓީ ކައުންސިލްގެ ފަރާތުން އިސްކޮށް ބައިވެރިވަޑައިގެންނެވީ މޭޔަރު އިސްމާއީލް ރަފީގެވެ.
ރާއްޖޭގެ އެންމެ ދެކުނުގެ އެއް ސިޓީ ކަމަށްވާ ފުވައްމުލަކުގައި ޓީޓީ ސެންޓަރެއް ހަދަން މަޝްވަރާކުރި ވާހަކަ ޔޫތު މިނިސްޓްރީން ޓްވީޓްކުރި ނަމަވެސް އެކަމާ ބެހޭ އިތުރު އެއްވެސް ތަފުސީލެއް ނުދެ އެވެ.
Minister @AhmedMahloof met with @FVMCouncil Mayor @ismailrafeeq and senor members from the @TT_Maldives on May 16th, 2022, and discussed regarding opening the TT center in Fuvahmulah City pic.twitter.com/3aJ7l2hgWn
— Ministry of Youth,Sports and Community Empowerment (@MoYSCEmv) May 17, 2022
ފުވައްމުލަކަކީ ރާއްޖޭގައި ކްރިކެޓަށް ވަރަށް ފޯރި އޮންނަ ތަނެކެވެ. އަދި އެ ސިޓީގައި ކްރިކެޓް ޕިޗެއް ވެސް އޮވެ އެވެ. ފުވައްމުލަކީ ނައިބު ރައީސް ފައިސަލް ނަސީމްގެ އުފަން ރަށެވެ.