އިދިކޮޅު ޕާޓީތަކުން މަޖިލީހަށް ހުށަހަޅާ މައްސަލަތައް ބަލައިނުގަންނާތީ މަޑުއްވަރީ ދާއިރާގެ މެމްބަރު އާދަމް ޝަރީފް ނުރުހުން ފާޅުކުރައްވައިފިއެވެ.
ރައްޔިތުންގެ މަޖިލީހުގައި އެމްޑީޕީގެ ސުޕަމެޖޯރިޓީ އޮންނައިރު، މިއަދުގެ ޖަލްސާއަށްވެސް އާދަމް ޝަރީފް ހުށަހެޅި މައްސަލައެއް ވަނީ ބަލައިނުގަނެ ބޭރުކޮށްލާފައެވެ.
އެކަމުގައި ނުރުހުންޕާޅުކޮށް އާދަމް ޝަރީފް ކުރި ޓްވީޓެއްގައި ވަނީ މަޖިލީހަށް ބޮޑު ހަރަދުކޮށްގެން ހިންގުމުގެ ބޭނުމެއް އެބައޮތްތޯ ސުވާލު އުފައްދަވާފައެވެ.
"ރައްޔިތުންގެ ކަންބޮޑުވުންތައް ހިއްސާނުކުރެވޭ، ގައުމުގެ ބޮޑެތި މައްސަލަތަކަށް ހައްލު ހޯދައި ނުދެވޭ، ޤާނޫނުއަސާސީން ލާޒިމުކުރާ ސަރުކާރު ޖަވާބުދާރީ ނުކުރެވޭ މަޖިލިސްއެއް، ބޮޑު ހަރަދު ކޮށްގެން ހިންގުމުގެ ބޭނުމެއް އެބައޮތްތޯ؟" އާދަމް ޝަރީފްގެ ޓްވީޓްގައިވެއެވެ.
Rayyithunge kanboduvunthah hissaa nukurevey, qaumuge bodethi massalathakah hallu hoadhainudhevey, QA in laazimukuraa sarukaaru javaabudhaaree nukurevey Majlis eh, bodu kharadhukoggen hingumuge beynumeh eba oiythoa?
— Adam Shareef Umar (@Adamshareefz) May 23, 2022
މަޖިލީހުގައި އެމްޑީޕީގެ ސުޕަމެޖޯރިޓީ އޮންނައިރު އިދިކޮޅުން ހުށަހަޅާ މައްސަލަތައް މިފަހުން ބަލައިގަތުން ވަނީ މަދުވެފައެވެ.