މޯލްޑިވިއަން ޑިމޮކްރަޓިކް ޕާޓީ، އެމްޑީޕީގެ ޗެއާޕާސަންގެ މަގާމާ އިކޮނޮމިކް މިނިސްޓަރު ފައްޔާޒް އިސްމާއިލް ރަސްމީކޮށް ހަވާލުވެވަޑައިގެންފިއެވެ.
އެމްޑީޕީން ބުނެފައިވަނީ ފައްޔާޒް، ޗެއާޕާސަންގެ މަގާމާ ރަސްމީކޮށް ހަވާލުވެވަޑައިގެން، ސެކްރެޓޭރިއެޓްގެ ވެރިންނާ ބައްދަލު ކުރައްވާފައިވާ ކަމަށެވެ.
ޗެއަރޕާސަން އަލްއުސްތާޛު @faya_i ރަސްމީކޮށް މަގާމް އާ ހަވާލުވެ ވަޑައިގެން، ސެކްރެޓޭރިއެޓްގެ ވެރިންނާ ބައްދަލު ކުރައްވަނީ. pic.twitter.com/X4T3dw6fmL
— MDP Secretariat (@MDPSecretariat) May 23, 2022
މިމަހުގެ 14 ވަނަ ދުވަހު ބޭއްވި އެމްޑީޕީ ޗެއާޕާސަން އިންތިހާބު ފައްޔާޒް ކާމިޔާބު ކުރެއްވީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއާ ވާދަކުރައްވައެވެ.
ފައްޔާޒަށް މި އިންތިހާބުގައި ޖުމުލަ 27،841 ވޯޓު ލިބުނު އިރު އިމްތިޔާޒަށް ލިބުނީ 20،425 ވޯޓެވެ.