ލަކުޑި ބަރުކޮށްފައި އޮތް ދޯންޏެއް މާލޭގެ ޓީ ޖެޓީ ތެރެއަށް ބަންޑުން ޖަހާލައި އަޑިއަށް ހިނގައްޖެ އެވެ.
ފުލުހުން ބުނީ ދޯންޏެއް ބަންޑުން ޖަހާލާފައިވާ ކަމަށް ރިޕޯޓްކުރީ މިއަދު މެންދުރު 12:00 ޖަހަން އުޅެނިކޮށެވެ.
މާލޭ ހުޅަނގުފަރާތު ކަނޑުމަތިން ސަފާރީއަކާއި މުދާ އުފުލާ ދޯންޏެއް ޖެހި، އެކްސިޑެންޓެއް ހިނގުމާ ގުޅިގެން އެމްއެންޑީއެފް މާލޭ އޭރިއާ ކޯސްޓްގާޑު ސްކޮޑްރަންއިން ދަނީ ހަރަކާތްތެރިވަމުން. އެކްސިޑެންޓްގައި ފަޅައިގެންދިޔަ "ހުވަނދުމާ 2" ދޯނި ފެންމަތިކުރުމަށް ސިފައިން ވަނީ މަސައްކަތްކޮށްފަ pic.twitter.com/T61hxN1sNE
— Maldives National Defence Force (@MNDF_Official) May 25, 2022
މިކަމާ ގުޅިގެން އެމްއެންޑީއެފުން ބުނީ ގިނަ އަދަދެއްގެ ލަކުޑި ބަރުކޮށްފައި އޮތް "ހުވަނދުމާ 2" ދޯނި ޓީ ޖެޓީ ސަރަޙައްދަށް ވަތް ފަހުން، އެ ދޯނި އަޑިއަށް ގޮސްފައިވާ ކަމަށެވެ. އަދި އެ ހާދިސާ ހިނގީ ދޯންޏާއި ސަފާރީއަކާ ޖެހިގެން ކަމަށް ބުންޏެވެ. މި ހާދިސާއެއްގައި އެއްވެސް މީހަކަށް ގެއްލުމެއް ނުލިބެ އެވެ.
ގިނަ އަދަދެއްގެ ލަކުޑި ބަރުކޮށްފައި އޮތް "ހުވަނދުމާ 2" ދޯނި ޓީ ޖެޓީ ސަރަޙައްދަށް ވަތްފަހުން، އެ ދޯނި ވަނީ އަޑިއަށް ގޮސްފައި. ކެރޭނެއްގެ އެހީގައި އެ އުޅަނދު ފެންމަތިކުރުމުގެ މަސައްކަތް ދަނީ ކުރެވެމުން. ހާދިސާގައި އެއްވެސް މީހަކަށް އަނިޔާއެއް ނުވޭ. pic.twitter.com/osOdWplMId
— Maldives National Defence Force (@MNDF_Official) May 25, 2022
ސިފައިން މިހާރު އަންނަނީ ދޯނި ފުންކުރުމުގެ މަސައްކަތްކުރަމުންނެވެ.