މޯލްޑިވްސް ސްޓޭޓް ޝިޕިން (އެމްއެސްއެސް) އިން މެލޭޝިއާ އާއި ސިންގަޕޫރުން ވެސް ރާއްޖެ އަށް މުދާ ގެންނަން ތައްޔާރުވަމުން އަންނަ ކަމަށް ބުނެފި އެވެ.
އެސްޓީއޯގެ ސަބްސިޑަރީއެއްގެ ގޮތުގައި ހިންގާ ގައުމީ ޝިޕިން ކުންފުނިން ބުނީ އަންނަ ޖުލައި މަހުގެ ތެރޭގައި ގެންނަ އާ ބޯޓު "ގްރެޕީން" ގެ ދަތުރުތަކާ އެކު ސިންގަޕޫރާއި މެލޭޝިއާ އިން މުދާ ގެންނަން ފަށާނެ ކަމަށެވެ. އެހެންވެ މިއާ އެކީ ޗައިނާ، ތައިލެންޑް، އިންޑޮނޭޝިއާ އިން މުދާ ގެންނަ ވިޔަފާވެރިންނަށް ސްރީ ލަންކާއަށް ގެންދިއުމުގެ ބަދަލުގައި ސިންގަޕޫރާއި މެލޭޝިއާގެ ޕޯޓުން މުދާ ގެނެވޭނެ އެވެ.
We are pleased to inform our valuable stakeholders of our plans to start direct cargo service between Maldives, Singapore and Port Kelang, Malaysia.
This service is expected to commence from July 2022 with the delivery of the newly acquired vessel “MSS Graphene”. #MSSroutes pic.twitter.com/k4MrbRptNA
— Maldives State Shipping (MSS) (@stateshippingmv) May 26, 2022
އެމްއެސްއެސް އިން ބުނީ މި ދަތުރުތައް ފެށުމާ އެކު ވިޔަފާވެރިންނަށް މުދާ ގެންނަން ވަރަށް ބޮޑުތަނުން ފަސޭހަވެގެން ދާނެ ކަމަށެވެ. އެ ކުންފުނިން މިހާރު ދަތުރުތައް ކުރަނީ ކޮލަމްބޯއާ ދެމެދު އެވެ. އެމްއެސްއެސް އިން ވަނީ މިދިޔަ އަހަރުގެ ޑިސެމްބަރު މަހު އިންޑިއާގެ ޓުޓިކޮރިން އާއި އައްޑުއާ ދެމެދު ބާއްވަމުން އައި ކާގޯ ދަތުރުތައް މި މަހުގެ ތެރޭގައި ހުއްޓާލައިފަ އެވެ.
އެ ކުންފުނިން ބުނީ އެ ދަތުރުތައް ހުއްޓާލީ އެކަމަށް ބޭނުންކުރި ބޯޓް "އެމްވީ ބޮންތި 2" ވަރަށް ބޮޑަށް ބާވެގެން ކަމަށެވެ. އެހެންވެ އަލުން ދަތުރުތައް ފަށާ އިރު ވިސްނުމަކީ އާ ބޯޓެއް ބޭނުންކުރުން ކަމަށް ބުންޏެވެ.
އެމްއެސްއެސް އުފެއްދީ 2020 ގަ އެވެ.