އިދިކޮޅުން ފަށާފައިވާ "އިންޑިއާ އައުޓް" ކެމްޕޭނަށް ގައުމުގެ ފޯކަސް ހުއްޓިފައިވާ ކަމަށާއި އެ ކެމްޕޭނާ ދެކޮޅަށް މިހާރު އެމްޑީޕީން ފަށައިގެން އުޅޭ "ބާކީނުވޭ" ކެމްޕޭނަށް ތާއީދެއް ނެތް ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.
ޕީޕީއެމާއި ޕީއެންސީން ހިންގާ "އިންޑިއާ އައުޓް" ކެމްޕޭނުގައި އިސްކޮށް ހުންނެވި ޔާމީން ކުރެއްވި ޓްވީޓެއްގައި ވިދާޅުވީ އެމްޑީޕީގެ ކެމްޕޭން ފެށުމުގެ ކުރިން ވެސް އެ އޮތީ ހުއްޓިފައި ކަމަށެވެ.
"އެ ކެމްޕޭނަށް އެއްވެސް ތާއީދެއް ނެތްކަން ސާފުވެއްޖެ." ޔާމީން ވިދާޅުވި އެވެ.
My country’s focus is singular in its commitment to lndia OUT. Depleted counter campaigns dingoed out before they were christened.A distraught chaperone painfully witnesses the lacklustre support.
— Abdulla Yameen (@prz_ymn) May 27, 2022
"ބާކީނުވޭ" ގެ ނަމުގައި އެމްޑީޕީން ސޯޝަލް މީޑިއާގައި ފެށި ކެމްޕޭނާ އެކު މިހާރު އަންނަނީ ހޭޝްޓެގާ އެކު އެ ދައުރުކުރަމުންނެވެ. މި ކެމްޕޭނާ ބެހޭ ގޮތުން ކުރީގެ ރައީސް މުހައްމަދު ނަޝީދު ވިދާޅުވެފައި ވަނީ ސިޔާސީވެރިންގެ ސިޔާސީ ބޭނުމަކަށްޓަކައި ދިވެހިން ބާކީވެ ނިކަމެތިވާނެ ކަންކަން ނުކުރުމަށް ސިޔާސީ ވެރިން ވިސްނަން ވާނެ ކަމަށެވެ.
"އިންޑިއާއާ ދެކޮޅަށް ހިންގާ ކެމްޕޭނަކީ ދިވެހިންގެ ތާއީދު އޮތް ކަމެއް ނޫންކަން ސާބިތުވަނީ އެކަމުގައި ބައިވެރިވާ މީހުން މަދުކަމުން. #ބާކީނުވޭ." ނަޝީދު ވިދާޅުވި އެވެ.
Siyaasee veringe siyaasee beynumah takai Dhivehin baakeeve nikamethi vaane kankan nukurumah huriha siyaasee verin visnavan vaane. India aai dhekolhah hingaa campaign akee Dhivehinge thaaidhu oiy kameh noon kan saabith vanee ekamugai baiveri vaa meehun madhukamun #Baakeenuvey
— Mohamed Nasheed (@MohamedNasheed) May 26, 2022
"އިންޑިއާ އައުޓް" އާ ދެކޮޅަށް އެމްޑީޕީން "ބާކީނުވޭ" ގެ ނަމުގައި ކެމްޕޭނެއް ފެށި އިރު، އިންޑިއާއާ ދެކޮޅު ހަރަކާތަކީ ގައުމީ ސަލާމަތެއް ހުރި ނުރައްކަލެއް ކަމަށް ރައީސް އިބްރާހީމް މުހައްމަދު ސޯލިހު ރިޔާސީ ގަރާރަކުން މިދިޔަ މަހުގެ 21 ގައި ކަނޑައަޅާފައިވެ އެވެ.
އެ ކެމްޕޭނަކީ ރާއްޖޭގައި ތިބި އިންޑިއާ ސިފައިންް ބާލަން ގޮވާލައި ކުރިއަށް ގެންދާ ކެމްޕޭނެކެވެ. ޕީޕީއެމުން މިހާރު ވަނީ ރާއްޖޭގައި ބޭރުގެ އެއްވެސް ގައުމެއްގެ ސިފައިން ތިބުމަކީ ގައުމީ ސަލާމަތަށް ނުރައްކަވާ ކަމެއް ކަމަށް ކަނޑައަޅައި ރައްޔިތުންގެ މަޖިލީހަށް ބިލެއް ވެސް ފޮނުވައިފަ އެވެ.