އިންޑިއާގެ ވެރިކަންކުރާ ޕާޓީ، ބީޖޭޕީގެ ތަރުޖަމާން، ކީރިތި ރަސޫލާ އަދި ކީރިތި ގުރުއާނަށް ފުރައްސާރަކުރި މައްސަލަ ޖުމްހޫރީ ޕާޓީ، ޖޭޕީން ކުށްވެރިކޮށްފިއެވެ.
ޖޭޕީގެ ލީޑަރު ޤާސިމް އިބްރާހިމް ކުރެއްވި ޓްވީޓެއްގައި ވިދާޅުވެފައިވަނީ ބީޖޭޕީގެ ތަރުޖަމާނު، ކީރިތި ރަސޫލާއާ ގުޅުވާ ދެއްކި ވާހަކަތަކުގެ ސަބަބުން އެތައް ބިލިއަން މުސްލިމުންނެއް އެކަން ކުށްވެރިކުރާ ކަމަށެވެ. އަދި އެ ވާހަކަތައް ޤާސިމާއި މުޅި ޖުމްހޫރީ ޕާޓީން ވެސް ކުށްވެރި ކުރާ ކަމަށް ވިދާޅުވިއެވެ.
I, along with my party @JPSecretariat strongly condemns & denounce the derogatory remarks made by the spokeswomen of Indian ruling party @BJP4India , insulting the Prophet Mohammed (PUBH).Her remarks deeply hurt the sentiments of billions of Muslims around the world including me.
— Qasim Ibrahim (@qasimibrahim) June 6, 2022
ޤާސިމްގެ އިތުރުން އަދާލަތު ޕާޓީންވެސް ވަނީ އެކަން ކުށްވެރިކޮށްފައެވެ.
މިއަދު ރައްޔިތުންގެ މަޖިލީހަށް ވެސް މިމައްސަލައާ ގުޅިގެންވެސް ކުއްލި މައްސަލައެއް ހުށަހަޅާފައިވެއެވެ. އެހެންނަމަވެސް އެ މައްސަލަ މަޖިލީހަށް ބަލައިގެންފައެއްނުވެއެވެ.