އިމާމުންނާއި ހަތީބުންނަށް ހާއްސަކޮށްގެން، ތަމްރީނު ޕްރޮގްރާމެއް ފުވައްމުލަކުގައި ފަށައިފި އެވެ.
އިސްލާމިކް މިނިސްޓްރީން އިއްޔެ ފެށި ޕްރޮގްރާމް މާދަމާ ގެ ނިޔަލަށް ކުރިއަށް ގެންދާ އިރު، އޭގައި ފުވައްމުލަކުގެ 38 މީހަކު ބައިވެރިވެ އެވެ.
މި ތަމްރީނު ޕްރޮގްރާމްގައި ބައިވެރިންނަށް މައުލޫމާތު ހިއްސާދެއްވަނީ ކަމާ ގުޅުންހުރި އިސްލާމިކް މިނިސްޓްރީގެ ބޭފުޅުންނާއި ރާއްޖޭގެ މަޝްހޫރު ޢިލްމުވެރިންނާއި އިސްލާމިކް ޔުނިވަސިޓީގެ ލެކްޗަރާއިންނެވެ.
ފުވައްމުލައް ސިޓީގެ އިމާމުންނާއި ޚަޠީބުންނަށް 09 ޖޫން 2022 އިން 11 ޖޫން 2022 އަށް ކުރިޔަށްގެންދާ ތަމްރީނު ޕްރޮގްރާމް ފެށުމުގެ ރަސްމިއްޔާތުގެ ތެރެއިން pic.twitter.com/Fm6QAsyw1E
— Ministry of Islamic Affairs (@MVIaffairs) June 9, 2022
ތަމްރީން ޕްރޮގްރާމްގައި މައިގަނޑު ގޮތެއްގައި ކިޔަވައި ދެއްވާނީ ތަޖުވީދާއި ހުކުރު ގަވައިދު އުސޫލާއި ސިވިލް ސާވިސްގެ ގަވާއިދާއި އުސޫލާއި މަސައްކަތުގެ އަހުލާގާއި މީހުންނާ މުޢާމަލާތްކުރުމާއި ނަމާދުގެ ޙުކުމްތައް އަދި ޚިލާފީ މައްސަލަތަކުގައި ޢަމަލުކުރާނެ ގޮތް ފަދަ މައުޟޫއުތަކަށް ކަމަށް މިނިސްޓްރީން ބުންޏެވެ.
އިސްލާމިކް މިނިސްޓްރީން ބުނީ މިއީ ރާއްޖޭގެ މިސްކިތްތަކުގައި އިމާމުވެ ނަމާދުކުރައްވާ އިމާމުންނާއި ޚަޠީބުންގެ ފެންވަރު މަތިކުރުމަށްޓަކައި ކުރިއަށްގެންދާ ސިލްސިލާ ތަމްރީނުތަކެެއް ކަމަށެވެ. މި ތަމްރީން ޕްރޮގްރާމްތައް ފުރަތަމަ ބޭއްވީ މިދިޔަ އަހަރުގެ މާޗްގައި މާލޭގަ އެވެ. އަދި ދެވަނަ ބުރު ބޭއްވީ އައްޑޫގަ އެވެ.