ޗީފް އޮފް ޑިފެންސް ފޯސް މޭޖަ ޖެނެރަލް އަބްދުﷲ ޝަމާލު ސިޔާސީ ކަންކަމުގައި އުޅުއްވަން ބޭނުންވާ ނަމަ މަގާމުން އިސްތިއުފާ ދެއްވަން ޖެހޭ ކަމަށް ޕީޕީއެމްގެ ނައިބު ރައީސް އާދަމް ޝަރީފް ވިދާޅުވެއްޖެ އެވެ.
ރައީސް އިބްރާހިމް މުހައްމަދު ސޯލިހު އިއްޔެ ފެއްޓެވި ނުރަސްމީ ދަތުރުފުޅުގެ ތެރެއިން ޖުމްހޫރީ ޕާޓީގެ ލީޑަރު ގާސިމް އިބްރާހީމާ އެކީ ބޭއްވި ބައްދަލުވުމެއްގެ ތެރެއިން ޝަމާލު ފެންނާތީ އެކަމާ ގުޅުވައިގެން ކުރީގެ ޑިފެންސް މިނިސްޓަރު ކުރެއްވި ޓްވީޓެއްގައި ވިދާޅުވީ ޝަމާލަށް އޮތް ގޮތަކީ ސިޔާސީ މަސައްކަތްތަކަށް މަގާމުން އިސްތިއުފާ ދެއްވުން ކަމަށެވެ. ނުވަތަ އޭނާ މަގާމުން ވަކިކުރަން ޖެހޭ ކަމަށް ވެސް އާދަމް ޝަރީފް ވިދާޅުވި އެވެ.
"އެމްއެންޑީއެފާއި މުޅީ ގައުމަށް ވެސް ފައިދާވާނެ ގޮތަކީ އެގޮތް،" އޭނާ ވިދާޅުވި އެވެ. "ޗީފް އޮފް ޑިފެންސްފެ މަގާމަށް ސިޔާސީ މީހަކު ކަމަކުނުދާނެ."
ރައީސުލްޖުމްހޫރިއްޔާ @ibusolih ނުރަސްމީ ދަތުރު ފުޅެއްގައި އދ . މާމިގިއްޔަށް ވަޑައިގަތުމުން ޖުމްހޫރީ ޕާރޓީގެ ލީޑަރ ހޮނަރަބަލް @qasimibrahim ރަތް ދޫލައިގެ ހޫނު މަރުހަބާ އެއް ދަންނަވައިފި #MDP2023 pic.twitter.com/BWR0FiBmfN
— Nazmy Hameed (@nazmy) June 10, 2022
އާދަމް ޝަރީފް ވިދާޅުވީ އެ މަގާމުގައި ހުންނަވާ ބޭފުޅަކު ސިޔާސީވެއްޖެ ނަމަ އަމުރުމައުރޫފު ހިންގުމުގައި ވަކި ކޮޅަކަށް ބުރަވެ، އަމިއްލަ ޕާޓީގެ މަސްލަހަތު ވެސް އިސްކުރައްވާނެ ކަމަށެވެ.