އިބްރާހީމް މުހައްމަދު ސޯލިހުގެ ސަރުކާރު އިނދަޖައްސާލައި ބަނގުރޫޓްކޮށްލަން ސިޔާސީ ވާދަވެރިން މަސައްކަތްކުރާ ކަމަށާއި މިކަމުގެ ހުރިހާ ވެސް ގެއްލުމެއް އޮތީ ސީދާ ރައްޔިތުންނަށް ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ ދާއިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެ އެވެ.
އޭނަ އިއްޔެ ކުރެއްވި ޓްވީޓްތަކެއްގައި ވިދާޅުވީ ސަރުކާރު ބަނގުރޫޓްކޮށް އިނދަޖައްސާލަން އެތެރެ އާއި ބޭރުން ވާދަވެރިން ކުރާ މަސައްކަތުގެ ސަބަބުން ބަނޑަށް ޖެހޭނީ ހުރިހާ ދިވެހި ރައްޔިތުން ކަމަށާއި މިއީ ފުންކޮށް ވިސްނަންވެއްޖެ ކަމެއް ކަމަށެވެ.
Emme dhathi dhuvasvaru ves rayyithun badah jehiya nudhee dhe aharu vandhen sarukaarun vanee igthisaadhu manage koffa.Adhu igthisaadhu dhanee hama magah elhemun. Dhaulath defualt vee kamah dhakkaa vaahaka akee nurakkaa theri hageegathaa khilaafu vaahaka eh
— Ibrahim Shareef (@AdduShareef) June 11, 2022
މަވޯޓާ ވިދާޅުވީ ރާއްޖެ އަށް އިގުތިސާދީ ގޮތުން ދަތިތަކެއް ހުއްޓަސް ސަރުކާރުން ދައްކަން ޖެހޭ ދަރަނިތައް ވެސް މުއްދަތަށް ބަރާބަރަށް ދައްކަމުން އަންނަ ކަމަށެވެ.
"ސަރުކާރާ ވާދަވެރި ފަރާތްތަކުން ބޭނުން ވަނީ ދައުލަތަށް ލޯނު ލިބެން އޮތް ހުރިހާ މަގެއް ބަންދުކޮށް، ސަރުކާރު އިނދަޖައްސާލަން މަސައްކަތްކުރަމުން." އޭނާ ވިދާޅުވި އެވެ.
Sarkaaru indhe jassalaa gaumu banguroot kollan siyaasee vaadha verin ethere innaa beyrun mikuraa hurihaa masakkatheh ge gellun vaanee hurihaa rayyithunnah. Badah jeheynee emmen. Fun koh visnan vejje kameh.Migothah nukurmah govaalan
— Ibrahim Shareef (@AdduShareef) June 11, 2022
މަވޯޓާ ވިދާޅުވީ މި ސަރުކާރަށް ކޮވިޑާ ހެދި ކުރިމަތިވި އެންމެ ދަތި ދުވަސްވަރު ވެސް ރައްޔިތުން ބަނޑަށްޖެހިޔަ ނުދީ ދެ އަހަރު ވަންދެން އިގުތިސާދު ރަނގަޅަށް މެނޭޖްކޮށްފައިވާ ކަމަށެވެ.
"އަދި އިގުތިސާދު އަންނަނީ ހަމަމަގަށް އެޅެމުން. ދައުލަތް ޑިފޯލްޓްވާ ކަމަށް ދައްކާ ވާހަކަ އަކީ ނުރައްކާތެރި ހަގީގަތާ ހިލާފު ވާހަކައެއް." މަވޯޓާ ވިދާޅުވި އެވެ.