ހުރިހާ ފްރަންޓްލައިން ފުލުހުންނަށް ވެސް ވަގުތުން ވަގުތަށް އިންޓަޕޯލްގެ ޑޭޓާބޭސްގެ ރެކޯޑުތައް ބެލޭ ގޮތް ހަމަޖައްސައިފި އެވެ.
އިންޓަޕޯލްގެ ސެކްރެޓަރީ ޖެނެރަލް ޖާޖެން ސްޓޮކް ކުރެއްވި ޓްވީޓެއްގައި ވިދާޅުވީ މި ހިދުމަތަކީ ފުލުހުންގެ މަސައްކަތްތަކަށް ވަރަށް ބޭނުންތެރި ބޭނުންތެރި މައުލޫމާތެއް ކަމަށެވެ. އަދި މިކަން ފަހުކުރުމަށްޓަކައި ފުލުސް ކޮމިޝަނަރު މުހައްމަދު ހަމީދު ކުރެއްވި މަސައްކަތްތައް ފާހަގަކުރައްވާފައިވެ އެވެ.
Every frontline police officer in @PoliceMV Maldives can instantly check millions of records in INTERPOL’s databases, accessing vital policing information. Great leadership by Commissioner @M_Hameedh putting the Maldives at the forefront of global law enforcement cooperation. pic.twitter.com/hOhwAEMaeR
— Jürgen Stock (@INTERPOL_SG) June 10, 2022
ސީޕީ ވިދާޅުވި ގޮތުގަައި އިންޓަޕޯލްގެ ޑޭޓާބޭސްގެ ރެކޯޑުތަކަށް އެކްސެސްވުމުގެ ފުރުސަތު ހޯދަން ދިވެހި ފުލުހުންގެ ނޭޝަނަލް ސެންޓްރަލް ބިއުރޯ އާއި އައިސީޓީ ޓީމުން ވަނީ ގިނަ މަސައްކަތްތަކެއްކޮށްފަ އެވެ. އަދި މިއީ ގާނޫނު ތަންފީޒުކުރުމުގެ އިދާރާގައި ދުނިޔޭގެ ފެންވަރުގައި ކުރެވޭ މަސައްކަތް އިތުރަށް ފުޅާ ކުރުމަށް ކުރެވޭ މަސައްކަތެއް ކަމަށް ވިދާޅުވި އެވެ.
ދިވެހި ފުލުހުންނަށް މި މަސައްކަތް ކާމިޔާބުވެފައި މި ވަނީ 2019 ގައި ފެށި މަސައްކަތްކާ އެކީގަ އެވެ. އެގޮތުން މި ލިބުނު ކުރިއެރުމާ އެކީ ކަނޑުމަގުން އަންނަ ބިދޭސީންގެ ބެކްގްރައުންޑް ވެސް ބަލާލެވޭނެ ކަމަށާއި އެ މީހުން ރާއްޖެ އަށް އައުމުގެ ކުރިން ކޮން ކަހަލަ ރެކޯޑެއް އޮންނަ ބައެއްތޯ ވެސް ބަލާލެވޭނެ ކަމަށް ސީޕީ ވިދާޅުވި އެވެ.
ސީޕީ ވިދާޅުވި ގޮތުގައި މީގެ ސަބަބުން ކުށްކުރުމުގެ ފަހުގެ ޓްރެންޑުތަކުގެ މައުލޫމާތުތައް ދެނެގަނެވި، މައްސަލަތަކުގެ ތަހުގީގުތަކުގަ އިވެސް އިތުރު ފަސޭހަތަކެއް ލިބިގެންދާނެ އެވެ.