އއ. މާޅޮހުގެ ކަރަންޓު ޑިސްޓްރިބިއުޝަން ނެޓްވޯކް އަޕްގްރޭޑް ކުރުގެ މަސައްްކަތް ކުރިއަށްދަމުން އަންނަކަން އެ މަސައްކަތް ކުރަމުން އަންނަ ސްޓެލްކޯއިން ހާމަކޮށްފިއެވެ.
ސްޓެލްކޯއިން ބުނެފައިވަނީ އއ. މާޅޮހުގެ ކަރަންޓު ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ މަސައްކަތުގެ ތެރެއިން ޖުމްލަ 1322 މީޓަރުގެ ކޭބަލް ވަޅުލާނިމިފައިވާ ކަމަށެވެ.
އަދި ކުރިން ހުރި ޑިސްޓްރިބިއުޝަން ފޮށިތަކުގެ ބަދަލުގައި އައު ފޮށި ބެހެއްޓުމުގެ މަސައްކަތް ކުރެވެމުންދާ ކަމަށްވެސް ބުނެފައިވެއެވެ.
ސްޓެލްކޯއިން ބުނެފައިވަނީ މި މަސައްކަތް މުޅިން ނިމުމާއެކު މާޅޮހަށް ދިމާވެފައިވާ، ވޯލްޓޭޖް ޑްރޮޕްގެ މައްސަލަ އެއްކޮށް ހައްލުވެ، އެކަމުގެ ފަސޭހަތައް މާޅޮހު ރައްޔިތުންނަށް ލިބިގެންދާނެކަމަށެވެ.