މޯލްޑިވްސް ނެޝަނަލް ޔުނިވަސިޓީ، އެމްއެންޔޫއިން ޑރ. މުހައްމަދު އިޔާޒު ވަކިކުރި މައްސަލަ ޑރ. އިޔާޒާ އެއްކޮޅަށް ވަޒީފާއާ ބެހޭ ޓްރައިބިއުނަލުން ނިންމައިފިއެވެ.
ޑރ. އިޔާޒް އެމްއެންޔޫގެ އެސިސްޓެންޓް ޕްރޮފެސަރުގެ މަގާމުން ވަކިކޮށްފައިވަނީ 2021 ޖުލައި 1 ވަނަ ދުވަހުއެވެ. ވަޒީފާއިން ވަކިކުރުމުން ޑރ. އިޔާޒް އެ މައްސަލަ ވަޒީފާއާ ބެހޭ ޓްރައިބިއުނަލަށް ހުށަހެޅުއްވިއެވެ.
އެ މައްސަލައިގައި މިއަދު ވަޒީފާއާ ބެހޭ ޓްރައިބިއުނަލުން ނިންމާފައިވަނީ ޑރ. އިޔާޒް މަގާމުން ވަކިކޮށްފައިވަނީ ގޯހުން ކަމަށާއި، އެހެންކަމުން ކުރިން ލިބުނު މުސާރައާއިއެކު 7 ދުވަހުގެ ތެރޭގައި ވަޒީފާ އަނބުރާ ދިނުމަށެވެ.
މިދަތި އަދި ހިތާމަވެރި ވަގުތުގައި ހުރިހާ ގޮތަކުންވެސް އަޅުގަނޑަށް އެހީތެރިކަން ފޯރުކޮށްދެއްވި ފަރާތްތަކަށް ފަށްފަށުން ޝުކުރު ދަންނަވަން. ވަކިން ޚައްޞަކޮށް އަޅުގަނޑުގެ ޤާނޫނީ ވަކީލު @IbrahimShameel ކޮށްދެއްވި ބުރަ މަސައްކަތް ޝުކުރުވެރިކަމާއި އެކު ފާހަގަ ކުރަން. جزاكم الله خيراً.
— Dr.Mohamed Iyaz (@dr_iyaz) June 20, 2022
ޑރ. އިޔާޒް މަގާމުން ވަކިކޮށްފައިވަނީ އަންހެން ކުދިން ހިތާނުކުރުމަށް ހިތްވަރުދީ ކުރެއްވި ޓްވީޓެއްގެ މައްސަލައިގައެވެ. އެ މައްސަލަ އިސްލާމިކް މިނިސްޓްރީން ބަލާފައިވެއެވެ.