އިއްޔެ ހެނދުނު ގަލޮޅުދަނޑަށް ވަދެ ޔޯގާ އިވެންޓަށް ހުރަސްއަޅާ ހަމަލާދިން މައްސަލައިގައި ފުލުހުން އަމަލުކުރި ގޮތާމެދު ކޮމިޝަނަރ އޮފް ޕޮލިސް މުހައްމަދު ހަމީދު ކަންބޮޑުވުން ފާޅުކޮށްފިއެވެ.
ސީޕީ ހަމީދު މިއަދު ކުރެއްވި ޓްވީޓެއްގައި ވިދާޅުނީ އިއްޔަ ދަނޑުގައި ހިނގާދިޔަ ކަންކަމުގައި ފުލުހުންގެ ސެކިއުރިޓީ ބްރީޗްވެ ހިނގާދިޔަ ކަންކަމުގައި ފުލުހުން އަމަލުކުރި ގޮތާމެދު ކަންބޮޑުވާ ކަމަށެވެ.
މިކަމުގައި ފުލުހުންގެ އެތެރޭގެ ރިވިއުއެއް ހަދާނެކަން ފާހަގަކޮށް ސީޕީ ވިދާޅުވީ މިކަމާ ގުޅިގެން ކަމާބެހޭ އެހެން ފަރާތްތަކުން ކުރިއަށް ގެންދާ އިންކުއަރީތަކަށްވެސް އެއްބާރުލުން ދޭނެކަމަށެވެ.
މި ހަމަނުޖެހުމުގައި ބައިވެރިވި މީހުންނަށް ފިޔަވަޅު އެޅުމަށް ހުރިހާ މަސައްކަތެއް ކުރާއިރު, ފުލުހުންގެ އޮޕަރޭޝަންތައް ހަރުދަނާ ކުރުމަށް ވެސް މަސައްކަތް ކުރަމުންދާނެ ކަމަށް ސީޕީ ހަމީދު ވިދާޅުވިއެވެ.
While we focus on taking swift action against those who unlawfully disrupted the event, we will also take corrective steps to improve our operations.
— Mohamed Hameed (@M_Hameedh) June 22, 2022
ސީޕީ ހަމީދު މިފަދައިން ވިދާޅުވެފައިވާއިރު އިއްޔަ ހިނގާދިޔަ ކަންކަން ބެލުމަށް ވަޒީރުންގެ މަޖިލީހުންވެސް ވަނީ ސަބް ކޮމިޓީއެއް ނަގާފައެވެ. މި ހަމަނުޖެހުންތަކާ ގުޅިގެން މިހާތަނަށް ހަ މީހުން ހައްޔަރު ކޮށްފައިވެއެވެ.