ދިވެހިރާއްޖެ ބަދަލު ކޮށްލި ޕާޓީއަކީ މޯލްޑިވިއަން ޑެމޮކްރެޓިކް ޕާޓީ (އެމްޑީޕީ) ކަމަށް އެޕާޓީގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިފަދައިން ވިދާޅުވެފައި މިވަނީ އެމްޑީޕީގެ 17 ވަނަ އަހަރީ ދުވަހާ ގުޅިގެން ކުރެއްވި ޓްވީޓެއްގައެވެ.
އެގޮތުން ރައީސް ނަޝީދު ވިދާޅުވީ، ދިވެހިރާއްޖެ ބަދަލުކުރި ޕާޓީއަކީ އެމްޑީޕީ ކަމަށާއި، ހާއްސަކޮށް ޓެކްސްގެ ނިޒާމެއް ތައާރަފްކޮށް ދައުލަތުގެ އާމްދަނީ އިތުރުކުރީ އެމްޑީޕީން ކަމަށެވެ. އަދި ރައްޔިތުންނަށް އިޖުތިމާއީ ރައްކާތެރިކަންވެސް ފޯރުކޮށްދިނީ އެމްޑީޕީން ކަމަށް ރައީސް ނަޝީދު ވިދާޅުވިއެވެ.
MDP ge aharee dhuvahu party ge enme memberunaai thaaidhu kuravva enme beyfulhunnah varah marhaba. Dhivehi Raajje badhal kuri party akee MDP, khaasakoh tax ge nizaam eh tha-arafkoh dhaulathuge aanmdhanee ithurukoh, rayyithunnah ijthimaee rahkaatherikan foarukoh dhinee MDP
— Mohamed Nasheed (@MohamedNasheed) June 26, 2022
އެމްޑީޕީ އަކީ ދިވެހިރާއްޖޭގައި އުފެދުނު އެންމެ ފުރަތަމަ ސިޔާސީ ޕާޓީއެވެ. އަދި ރާއްޖޭގައި އޮތް އެންމެ ބޮޑު ސިޔާސީ ޕާޓީއަކީވެސް އެމްޑީޕީއެވެ.