މި މަހުގެ ތިނެއްގައި އަވަހަރާވި ގޯގޯ މުހައްމަދު ލަތީފުގެ ހަނދާނުގައި ރައްޔިތުންގެ މަޖިލީހުގެ އިދާރާގައި ތައުޒިޔާގެ ދަފުތަރެއް ހުޅުވާލައިފި އެވެ.
ރައްޔިތުންގެ މަޖިލީހުގައި ގދ. އަތޮޅުގެ މެމްބަރުކަން ވެސް ކުރައްވާފައިވާ އަދި އެމްޑީޕީ އުފެއްދުމުގައި އެންމެ އިސްކޮށް އުޅުއްވި ބޭފުޅުންގެ ތެރޭގައި ހިމެނިވަޑައިގެންނެވި ލަތީފުގެ ހަނދާނުގައި އިއްޔެ ހަވީރު ހުޅުވި ތައުޒިޔާގެ ދަފުތަރުގައި މަޖިލީހުގެ ރައީސް މުހައްމަދު ނަޝީދު ވެސް މިއަދު ސޮއިކުރައްވާފައިވެ އެވެ.
ރައްޔިތުންގެ މަޖިލީހުގެ ގދ. އަތޮޅުގެ މެންބަރުކަން ކުރެއްވި، އަލްމަރުޙޫމް މުޙައްމަދު ލަޠީފުގެ ހަނދާނުގައި ހުޅުވާފައިވާ ތަޢުޒިޔާގެ ދަފުތަރުގައި ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ސޮއިކުރެއްވުން pic.twitter.com/fmCYvDOQGj
— People's Majlis (@mvpeoplesmajlis) July 6, 2022
އިއްޔެ ހަވީރު 4:00 ގައި ހުޅުވި ދަފުތަރުގައި ސޮއިކުރުން ކުރިއަށް ދިޔަ ނަމަވެސް އެކަން ކުރިއަށް ދާނީ ކިހާ ދުވަހަކަށް ކަމެއް މަޖިލީހުގެ އިދާރާ އިން ހާމައެއްނުކުރެ އެވެ.
ސްރީ ލަންކާގައި ދިރިއުޅުއްވި ލަތީފަކީ އަވަހާރަވެފައިވާ ކުރީގެ ފޮރިން މިނިސްޓަރު ޑރ. އަބްދުއްސަމަދު އަބްދުﷲގެ އެއްބަނޑު އެއްބަފާ ބޭފުޅެކެވެ. ރައީސް ނަޝީދުގެ ވެރިކަމުގައި ހިއުމަން ރައިޓްސް އެމްބެސެޑަރުގެ މަގާމު ލަތީފު ފުރުއްވި އެވެ.