މި އަހަރުގެ ހައްޖުގެ އަޅުކަން އަދާކުރާ ދިވެހިންނާ ބެހޭ އެންމެ ފަހުގެ މައުލޫމާތު ފަސޭހަ އިން ލިބޭނެ ގޮތަށް އިސްލާމިކް މިނިސްޓްރީން އިންތިޒާމުތައް ހަމަޖައްސައިފި އެވެ.
އެގޮތުން "މޯލްޑިވްސް ހައްޖު މިޝަން" ގެ ނަމުގައި ހަދާފައިވާ ފޭސްބުކް ޕޭޖް މެދުވެރިކޮށް ދިވެހި ހައްޖާޖީންނާ ބެހޭ އެންމެ ފަހުގެ މައުލޫމާތު ލިބޭނެ އެވެ. މި ޕޭޖް މެދުވެރިކޮށް ހައްޖާ ބެހޭ މުހިއްމު މައުލޫމާތުތައް ވެސް ލިބޭނެ އެވެ.
ދިވެހި ޙައްޖުވެރިންނާއި ބެހޭ އެންމެ ފަހުގެ މަޢުލޫމާތު. ދިވެހި ޙައްޖު މިޝަން ފޭސްބުކް ޕޭޖް https://t.co/CPpkiPREr9#ޙައްޖުމިޝަން#އިސްލާމިކްއެފެއާޒް#ޙައްޖު1443 pic.twitter.com/Ft79dYOksG
— Ministry of Islamic Affairs (@MVIaffairs) July 6, 2022
ހައްޖުވެރިން މިހާރު ތައްޔާރު ވަނީ މިނާ އަށް ދަތުރުފެށުމަށެވެ. ހައްޖު ދުވަހަކީ މާދަމަ އެވެ.
މި އަހަރު ރާއްޖޭން ހައްޖު ގެ އަޅުކަމަށް ދިޔައީ 453 މީހުންނެވެ. އެއީ މުޅިން ވެސް ހައްޖު ކޯޕަރޭޝަންގެ ހަވާލުގަ އެވެ. މި އަހަރުގެ އަމީރުލްހައްޖަކީ އިސްލާމިކް މިނިސްޓަރު ޑރ. އަހުމަދު ޒާހިރު އަލީ އެވެ.
ރައީސް އިބްރާހީމް މުހައްމަދު ސޯލިހާއި އަނބިކނބަލުން ފަޒުނާ އަހުމަދު ވެސް މި އަހަރު ހައްޖުގެ އަޅުކަން އަދާކުރައްވަ އެވެ.