ރާއްޖޭގެ ކަސްޓަމްސްގައި މަސައްކަތްކުރާ މުވައްޒަފުންގެ ޓީމެއް ތަމްރީނު ޕްރޮގްރާމަކަށް އަނެއްކާ ވެސް އިންޑިއާ އަށް ގެންދަން ނިންމައި އެކަމުގެ ލިޔުން މުވައްޒަފުންނާ ހަވާލުކޮށްފި އެވެ.
އިއްޔެ ބޭއްވި ރަސްމިއްޔާތެއްގައި މުވައްޒަފުންނާ ލިޔުން ހަވާލުކޮށް ދެއްވީ ރާއްޖޭގައި ހުންނަވާ އިންޑިއާ ސަފީރު މުނު މަހާވަރު އެވެ.
|| 🇮🇳🇲🇻 Capacity Building Cooperation ||
High Commissioner @AmbMunu addressed a gp of 30 @CustomsMv Officers who are visiting @cbic_india's @nacincbic Faridabad frm 11-15 July fr a training on "Cargo profiling & Risk Mgt incl PCA" under 2019 MoU on Customs Capacity Building. 1/2 pic.twitter.com/PuD6pTqXqP
— India in Maldives (@HCIMaldives) July 7, 2022
މި ފަހަރުގެ ތަމްރީނު ޕްރޮގްރާމްގެ ދަށުން ކަސްޓަމްސްގެ 30 އޮފިސަރަކު އިންޑިޔާގެ ފަރީދްއާބާދުގައި ހުންނަ ނެޝަނަލް އެކެޑެމީ އޮފް ކަސްޓަމްސް، އިންޑައިރެކްޓް ޓެކްސް އަދި ނާކޮޓިކްސް (އެންއޭ.ސީއައިއެން) ތަމްރީނު ހޯދާނެއެވެ. މި ތަމްރީން ޕްރޮގްރާން ކުރިއަށް ދާނީ މި މަހުގެ 11-15 އަށެވެ.
Under the MoU on Customs Capacity Building, already 100 @CustomsMv officers have undergone in-person training in India and ~90 @CustomsMv officers have undergone online training on various subjects indicated by @CustomsMv. 2/2@cbic_india @nacincbic
— India in Maldives (@HCIMaldives) July 7, 2022
ކަސްޓަމްސުން ބުނީ އިންޑިޔާ އާއި ރާއްޖެއާ ދެމެދު ކަސްޓަމްސް ދާއިރާގެ ގުޅުން ވަނީ ފާއިތުވި އަހަރުތަކުގައި ވަރުގަދަވެފައި ކަމަށެވެ. އެގޮތުން މި ބެޗް ހިމެނޭހެން 130 ކަސްޓަމްސް އޮފިޝަލުން ވަނީ އިންޑިޔާ އަށް ފޮނުވައި ކަސްޓަމްގެ އެކި ދާއިރާތަކުން ތަމްރީން ދެވިފައި ކަމަށެވެ. އަދި ކަސްޓަމްސްގެ 90 އޮފިޝަލަކު ވަނީ އޮންލައިން ޕްރޮގްރާމްތަކަކުން ވެސް ތަމްރީނު ހޯދައިފަ އެވެ.