ކޮވިޑް އަދި ޑެންގޫ ފަދަ ރޯގާތައް މާލޭގައި ފެތުރުން ގިނަ އިރެއްގައި ނައިޓް މާކެޓް ނުބާއްވާނެ ކަމަށް މާލެސިޓީ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މޭޔަރު މުއިއްޒު ކުރެއްވި ޓްވީޓެއްގައި ވިދާޅުވީ، ނައިޓް މާކެޓް ބޭއްވުމަށް އިއުލާނު ކޮށްފައި އޮތްނަމަވެސް، ނައިޓް މާކެޓް ބައްވާނީ މާލެސިޓީގައި ކޮވިޑް ކޭސްތައް އެންމެ ބޮޑަށް މަދުވިއިރު ހުރިވަރަށް މަދުވީ ދުވަހަކުން ކަމަށެވެ.
"ކޮވިޑް އާއި ޑެންގޫ ފަދަ ރޯގާތައް ގިނަ އިރެއްގައި ސިޓީ ކައުންސިލުން މާލެސިޓީގައި ނައިޓް މާކެޓް ނުބާއްވާނަން." މޭޔަރު މުއިއްޒު ވިދާޅުވިއެވެ.
Night Market baavvan koffaivaa iulaan koffaivee namaves NightMarket baavvaanee Male city gai covid cases thah emme bodah madhuvi iru huri varah madhu vee dhuvahakunkan dhannavan.Covid aa dengue fadha roagaathah gina ireggai City Council in Male city gai NightMarket nubaavvaanan.
— Dr Mohamed Muizzu (@MMuizzu) July 9, 2022
މާލެސިޓީ ކައުންސިލުން ނައިޓް މާކެޓް ބޭއްވުމަށް ނިންމާ ނައިޓް މާކެޓް ރާވައި، ހިންގާނެ ބަޔަކު ހޯދުމަށް ވަނީ އިއުލާނު ކޮށްފައެވެ. އަދި އެކަމަށް ޝައުގުވެރިވާ ފަރާތްތަކުން މި މަހު 20 ކުރިން ޕްރޮޕޯޒަލް ހުށަހެޅުމަށް ސިޓީ ކައުންސިލުން އެދިފައިވެއެވެ.