މާލޭ ސަރަޙައްދުގައި އުޅޭ މީހުން ދަތުރުދާން ހާއްސަކޮށްގެން ތަރައްގީކުރަމުން އަންނަ ކ. ކުޑަގިރީ މިނިވަން ދުވަހާ ދިމާކޮށް އާންމުންނަށް ހުޅުވައިލަން ނިންމައިފި އެވެ.
އެތަނުގެ މަސައްކަތް ފެށި އިރު ވެސް އަމާޒަކަށްވެފައި އޮތީ ޖުލައި 26 އަށް ރަށް ހުޅުވުމެވެ.
ކުރިން މާލެ ސަރަހައްދުގެ މީހުން ދަތުރުދާން ބޭނުންކުރި ކުޑަބަނޑޮސް ފަހުން ރިސޯޓެއްގެ ގޮތުގައި ތަރައްގީކޮށްފައިވާތީ ދަތުރުދާނެ ހާއްސަ ރަށެއް ނެތުމަކީ މާލެ ސަރަހައްދުގެ މީހުން އަހަރުތަކެއް ވަންދެން ކުރަމުން އަންނަ ޝަކުވާތަކާއި ފާޅުކުރަމުން އައި ކަންބޮޑުވުންތަކަށް ރައީސް އިބްރާހީމް މުހައްމަދު ސޯލިހުގެ ސަރުކާރުން ހޯދައިދޭ ހައްލެކެވެ.
— STELCO (@STELCOMALDIVES) July 7, 2022
ބިން ހިންކައިގެން ތަރައްގީކިރާ ކުޑަގިރީގެ މަސައްކަތްތައް ދާ ގޮތަށް މިދިޔަ މަހުގެ ތެރޭގައި ބައްލަވާލައްވަން ވެސް ރައީސް ވަޑައިގެންނެވި އެވ. މި ރަށަކީ ސަރުކާރު ހިއްސާވާ ފަސް ކުންފުންޏެއްގެ އިޖުތިމާއީ ޒިންމާގެ ދަށުން ތަރައްގީކުރާ ރަށެކެވެ. އެ ކުންފުނިތަކަކީ އެމްޓީސީސީ، ސްޓެލްކޯ، ފެނަކަ، އެޗްޑީސީ އަދި އެމްޑަބްލިއުއެސްސީ އެވެ.
Our staff took a half day trip to help transform K.Kudagiri, and they were absolutely delighted by this opportunity. #TeamHDC #HDCBeyondHulhumalé pic.twitter.com/qTkxsTM62F
— HDC (@hdcmaldives) July 7, 2022
ރަށް ތަރައްގީ ކުރުމުގެ މައިގަނޑު މަސައްކަތްތައް އެމްޓީސީސީން ހަވާލުކުރީ 41 މިލިއަން ރުފިޔާއަށެވެ.
ކުޑަގިރީގައި ދަތުރުދާ މީހުންނަށް ފަސޭހަ އިން އަރައިފޭބޭނެ ގޮތާއި ބޭނުންވާ ވަރަށް ގިނަ ވަސީލަތް ވެސް ހުންނާނެ އެވެ. މި ރަށް ފެހިކުރުމުގެ މަސައްކަތް ވެސް އަންނަނީ ވަރަށް ބޮޑަށް ކުރެވެމުންނެވެ.