ދިވެހި ގައުމުގެ ހާލުގެ ދުލުން މިހާރު ގޮވަނީ މިތަން ސަލާމަތްކުރާނެ ވެރިކަމަކަށް ކަމަށް ކުރީގެ ޑިފެންސް މިނިސްޓަރު އާދަމް ޝަރީފު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު ކުރެއްވި ޓްވީޓެއްގައި ވިދާޅުވީ ރާއްޖޭގެ މިހާރުގެ ސަރުކާރުގެ ކަންކަން އޮތް ގޮތުން މިހާރު އޮތީ ހަރުމުދާތައް ވިއްކާ ހިސާބުގައި ކަމަށެވެ.
"ހަރުމުދާ ވިއްކާ ހިސާބަށް ދިޔަ އިރު ވެސް ސަރުކާރުގެ ސިޔާސަތުތައް ބަދަލުނުކޮށް ތިބެނީ އިހުލާސްތެރި ކަމެއް ކޯލިޝަން ވެރިންގެ ނަތީމަ." އާދަމް ޝަރީފު ވިދާޅުވި އެވެ.
Male' schoolthah rahunukoh, harumudhaa vikkaa hisaabah dhiyairuves sarukaaruge siyaasathuthah badhalu nukoh thibenee ikhlaastherikameh coalition veringe netheemaa!
Qaumuge haaluge dhulun govanee mi wathon salaamaiy kuraane verikameh qaaimu kurumah! Edhuvas avas kuravvaashi!Aameen— Adam Shareef Umar (@Adamshareefz) July 9, 2022
އޭނާ ވިދާޅުވީ މި ހާލަތާ ހެދި ބޭނުން ވަނީ ގައުމު ސަލާމަތްކުރާނެ ވެރިކަމެކެވެ.
"އެ ދުވަސް އަވަސްކުރައްވާށި." އާދަމް ޝަރީފު ވިދާޅުވި އެވެ.
ރާއްޖޭގެ އިގުތިސާދީ ހާލަތާ މެދު ގިނަ ބަޔަކު ކަންބޮޑުވުން ފާޅުކުރަމުން ދިޔަ ނަމަވެސް އިގުތިސާދީ ސިޔާސަތުތަކާ މެދު ސަރުކާރުން ހަރުދަނާ އުސޫލުތަކެއް ނުގެންގުޅޭ ކަމަށް ވަރަށް ގިނަ ބަޔަކު ދެކެ އެވެ.