ވެރިއަކު ހޮވަނީ ރައްޔިތުންނަށް ހިދުމަތްކުރަން ކަމަށާއި އެކަމަށް ނުކުޅެދުމުން ކުރީގެ ރައީސް މުހައްމަދު ނަޝީދަށް އިސްތިއުފާ ދެއްވަން ޖެހިވަޑައިގަތް ގޮތަށް މިހާރުގެ ރައީސް އިބްރާހިމް މުހައްމަދު ސޯލިހަށް ވެސް އެ ހާލަތާ ކުރިމަތިލައްވަން ޖެހިދާނެ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު މިއަދު ވިދާޅުވެއްޖެ އެވެ.
އަވަށްޓެރި ސްރީ ލަންކާގެ މިހާރުގެ ސިޔާސީ މަސްރަހާއި ރާއްޖޭގެ ހާލަތާ ވެސް ގުޅުވައިގެން އޭނަ ކުރެއްވި ޓްވީޓްތަކެއްގައި ވިދާޅުވީ ފެބްރުއަރީ 7، 2012 ގައި ނަޝީދު އަމިއްލަ އަށް އިސްތިއުފާ ދެއްވީ ރައްޔިތުންގެ ގިނަ ބަޔަކު ކުރި މުޒާހަރާތަކާ ވެސް ގުޅިގެން ކަމަށެވެ. ހަމަ އެގޮތަށް މިހާރުގެ ރައީސަށް ވެސް އޮތީ އެފަދަ ހާލަތެއް ކަމަށާއި ނިސްބަތްވެވަޑައިގަންނަވާ ޕާޓީ ވެސް، އެ މަނިކުފާނަށް ފެއަށްދާ ކަމަށް ޖަމީލު ވިދާޅުވި އެވެ.
Leaders are elected to serve the people. @MohamedNasheed resigned on 7/2/12 when faced with a similar situation and amid popular protests by the people. @ibusolih has failed just as miserably, with own party members now abandoning him. pic.twitter.com/tA5hMiHKuZ
— Mohamed Jameel Ahmed (@MJameelAhmed) July 12, 2022
މީގެ އިތުރުން މިދިޔަ މަހުގެ 21 ގައި މާލޭގައި ޔޯގާ ދުވަސް ފާހަގަކުރަން ބޭއްވި އިވެންޓާ ގުޅިގެން ހިންގި ހަމަނުޖެހުންތަކާ ވިދިގެން ދީނީ ޝައިހުންތަކެއް ބެއިންސާފުން ހައްޔަރުކޮށްފައިވުމާއި "އިންޑިއާ އައުޓް" ކެމްޕޭންގެ މައްސަލާގައި ރައްޔިތުންގެ މަޖިޅިހުގެ ކުރީގެ މެމްބަރަކު ހައްޔަރުކުރުމާއި ރަަސޫލާ އަށް ފުރައްސާކުރުމާ ދެކޮޅަށް ރާއްޖޭގައި ހިންގި ހަރަކާތްތަކާއި މަސްދަރު ހާމަކުރަން މަޖުބޫރުވާ ގޮތަަށް ފާސްކުރި ހެއްކާ ބެހޭ ބިލް ފަދަ ކަންކަމުގެ ސަބަބުން ރައީސް ސޯލިހުގެ ވެރިކަން ދެމެހެއްޓިދާނެކަމާ ދޭތެެރޭ ސުވާލު އުފެދޭ ކަމަށް ޖަމީލު ވިދާޅުވި އެވެ.
Power comes from the people. It takes a few seconds to lose palaces that you live in, armoured cars that you drive in & security detail that surround you. If @ibusolih thinks he can always fool the people, he’s learning the wrong lessons. pic.twitter.com/5O5HoDBIzr
— Mohamed Jameel Ahmed (@MJameelAhmed) July 12, 2022
އޭނަ ވިދާޅުވި ގޮތުގައި ވެރިކަމުގެ ބާރު އަންނަނީ ރައްޔިތުންގެ ފަރާތުން ކަމަށްވެފައި އެ ބާރު ނެތި ޖާހަތު ގެއްލި ދިއުމަމަކީ ހިނދުކޮޅެއްގެ ތެރޭގައި ވެސް ވެދާނެ ކަމެކެވެ.
"ރައީސް ސޯލިހަށް ވެސް ހީފުޅުކުރެއްވަނީ އަބަދު ރައްޔިތުން ގުނބޯ ހެއްދެދިދާނެ ކަމަށް. [އެކަމަކު] އެ ދަސްކުރައްވަނީ މުޅިން ނުބައި ފިލާވަޅެއް." އޭނާ ވިދާޅުވި އެވެ.