އެސްޓީއޯގެ އެހީގައި 25 މީހަކަށް ހިލޭ ރޭޑިއޮގްރަފީ ކޯސް ހެދުމުގެ ފުރުސަތު ދޭން ނިންމައިފި އެވެ.
އެ ކުންފުނިން ބުނީ މި އަހަރުގެ ސެޕްޓެމްބަރު މަހު ފަށާ ގޮތަށް ހަމަޖެހިފައި އޮތް އެ ކޯހަކީ ދެ އަހަރާއި ހަ މަސް ދުވަހުގެ ޑިޕްލޮމާ 5 ފެންވަރުގެ ކޯހެއް ކަމަށެވެ.
އެސްޓީއޯ އިން ބުނީ ކޯހުގެ ފުރަތަމަ ބެޗަށް ހޮވޭ 25 މީހުންހެ ފީ އެ ކުންފުނިން އެއްކޮށް ހަމަޖައްސައިދޭނެ ކަމަށާއި ކޯހުގައި ބައިވެރިވާން ވަރަށް އަވަހަށް އާންމުކޮށް ހުޅުވައިލާނެ ކަމަށެވެ.
The course approval for ‘Diploma in Radiography’ has been submitted to @MAHC_MV and @mqamaldives ⁰
This course is a collaborative initiative of STO – @GEHealthcare and will be conducted at STO Training Institute, registered under the @MoHEmv as a training facility/center. pic.twitter.com/O6h9y8NmRz— STO (@stoplc) June 15, 2021
އެސްޓީއޯ މެދުވެރިވެގެން ދޭ ރޭޑިއޮގްރަފީ ކޯހަކީ މޯލްޑިވްސް ކޮލިފިކޭޝަން އޮތޯރިޓީ އާއި އެލައިޑް ހެލްތު ކައުންސިލުން ގަބޫލުކުރާ އެ އިދާރާތަކުގެ ހުއްދަ ލިބިފައިވާ ކޯހެކެވެ. ކޯހަށް އެޕްލައިކުރުމުގެ ޝަރުތަކީ އޭ ލެވެލް ސައިންސް ސްޓްރީމްގެ ދެ މާއްދާ އިން ފާސްވެފައިވުމެވެ.
މި ކޯހުގެ ކިޔެވުން ކުރިޔަށް ގެންދާނީ އެސްޓީއޯ ޓްރެއިނިން އިންސްޓިޓިއުޓާއި އެސްޓީއޯ ޖީއީ ސްކިލް ލެބްގަ އެވެ.