އައްޑޫގެ ދެ ކައުންސިލަރަކު އިނގިރޭސިވިލާތަށް ކުރައްވަމުން ގެންދަވާ ދަތުރެއްގެ ތެރެއިން އެ ގައުމުގައި ހުންނަވާ ރާއްޖޭގެ ހައި ކޮމިނަޝަރު ފަރަހަނާޒް ފައިސަލާ ބައްދަލުކުރައްވައިފަ އެވެ.
ބުރާސްފަތި ދުވަހު ބޭއްވި އެ ބައްދަލުވުމުގެ ތެރެއިން ނަގާފައިވާ ފޮޓޯތަކެއް އިނގިރޭސިވިލާތުގައި ހުންނަ ރާއްޖޭގެ އެމްބަސީގެ ޓްވިޓާގައި ވެސް ހިއްސާކޮށްފައިވެ އެވެ. އިނގިރޭސިވިލާތަށް ވަޑައިގެންފައި ވަނީ ހިތަދޫ މޫލެކެޑަ ދާއިރާގެ ކައުންސިލަރު އަހުމަދު ސައީދާއި ހިތަދޫ ރަސްގެދަރި ދާއިރާގެ ކައުންސިލަރު ހުސައިން ޒަރީރެވެ.
Councillor Ahmed Saeed & Councillor Hussain Zareer of @AdduCityCouncil paid a courtesy call on High Commissioner @DrFarahFaizal today. Discussions focused on areas of possible collaboration for the development of Addu City especially through trade and tourism. pic.twitter.com/6pu3mAJziy
— Maldives in UK (@MDVinUK) July 13, 2022
ސައިދާއި ޒަރީރުގެ ދަތުރުގެ ތެރެއިން އައްޑޫގެ ތަރައްގީ އަށް އެހީތެރިކަން ހޯދިދާނެ ދާއިރާތަކާ ބެހޭ ގޮތުން މަޝްވަރާކޮށްފައިވެ އެވެ. އޭގެ ތެރޭގައި ވަކިން ހާއްސަކޮށް އައްޑޫގައި ޓޫރިޒަމް ކުރިއެރުވުމާއި ވިޔަފާރީގެ ރޮނގުން އެހީތެރިކަން ހޯދިދާނެ ގޮތްތަކާ ބެހޭ ގޮތުން މަޝްވަރާކޮށްފައިވާ ކަމަށް ހައި ކޮމިޝަންގެ ޓްވިޓާގައި ބުންޏެވެ.
މި ޓްވީޓް އައްޑޫ ސިޓީ ކައުންސިލުން ވެސް ރިޓްވީޓްކުރި ނަމަވެސް ދެ ކައުންސިލަރުންގެ އިނގިރޭސިވިލާތުގެ ދަތުރާ ބެހޭ އިތުރު އެއްވެސް ތަފުސީލެއް ހާމަކޮށްފައެއް ނުވެ އެވެ.