ކ. ދިއްފުށީގައި މީހެއްގެ މައްޗަށް ކުރެވުނު ތުހުމަތާ އެކު އޭނާއަށް ހަމަލާދީ މާރާމާރި ހިންގި ހިންގުމަކީ ޓެރަރިޒަމްގެ އަމަލެއް ކަމަށް ވިލިނގިލީ ދާއިރާގެ މެމްބަރު ސައުދު ހުސައިން ވިދާޅުވެއްޖެއެވެ.
ދިއްފުށީގައި ގއ. ވިލިނގިލީ މީހަކަށް ހަމަލާދިނީ އޭނާ ކުޑަކުއްޖަކަށް ޖިންސީ ގޯނާކުރިކަމަށް ތުހުމަތުކޮށެވެ. ދިއްފުށީ ބަޔަކު އޭނާ ބަރަހަނާކޮށް ހަމަލާދީ ހަދާފައިވާއިރު އެމީހާގެ ވީޑިއޯއެއްވެސް ސޯޝަލްމީޑިއާގައި އަންނަނީ ދައުރުވަމުންނެވެ. އަދި އެމީހާ ވަނީ ތުހުމަތުތަކަށް އިންކާރުކޮށްފައެވެ.
އެ މައްސަލައާ ގުޅިގެން ވިލިނގިލީ ދާއިރާގެ މެމްބަރު ސައުދު ކުރެއްވި ޓްވީޓެއްގައި ވިދާޅުވީ، ދިއްފުށީގައި ފެނިގެންދިޔައީ ލާއިންސާނީ އަނިޔާވެރި ނުރައްކާ މާހައުލެއް ކަމަށެވެ. ސައުދު ވިދާޅުވީ ކުށެއްގެ ތުހުމަތުވާނަމަ އެކަންކަން ބެލޭނެ ޤާނޫނީ ހަމަތަކެއްވާ ކަމަށާއި، ދިއްފުށީގައި ހިންގާފައިވަނީ އޮގަނައިޒްޑް ޓެރަރިޒަމްގެ އަމަލެއް ކަމަށެވެ. އެއީ ޖަރީމާއެއްކަން ފާހަގަކޮށް ސައުދު ވަނީ އެކަމުގެ ބައިވެރިން އިންސާފުގެ ކުރިމައްޗަށް ގެނައުމށް ގޮވާލާފައެވެ.
Dhifushin fenigen dhiyaee lāinsāny aniyāveri nurakkā māhauleh! Kushehge thuhumatheh vānama ekankan beleyne qaanoony hama thakeh vey. Villingili rayyithehge machah hingāfa evany organized terrorism ge amaleh, mi jarēmāge baiverin insāfuge kurimachah genaumah govālan.@PoliceMv
— Saud Hussain MP (@SaudVillingili) July 18, 2022
ދިއްފުށީގައި މީހެއްގެ މައްޗަށް ކުރެވުނު ތުހުމަތާއެކު އޭނާއަށް ހަމަލާދީ މާރާމާރި ހިންގިއިރު، އެކަން ހުއްޓުވުމަށް ދިޔަ ފުލުހުންނަށް ވެސް ހަމަލާދީން ކަމަށް އޭރު ވާހަކަ ދެކެވުނެވެ. އެހެންނަމަވެސް އަނިޔާލިބުނު މީހާގެ ވީޑިއޯގައި އޭނާ ބުނެފައިވަނީ އޭނާއަށް ހަމަލާ ދިނުމުގައި ފުލުހުންވެސް ބައިވެރިވި ކަމަށެވެ.
Eid bandhah Dhiffutah aaila ekkoh dhiya GA viligili zuvaanehge boluga dhogu thuhumatheh alhuvaafa Havarah aruvaalun. #VISITDHIFFUSHI #LocalTourism #barbaricdhiffushi #lawlessdhiffushi 14th july 2022 pic.twitter.com/PUKsrnKdHU
— ALI SHAN (SATTO) (@SatoMexicanox) July 17, 2022
ފުލުހުން ވަނީ ދިއްފުށީގައި ފުލުހަކަށް އަނިޔާކުރުމުގެ ތުހުމަތުގައި 22 އަހަރުގެ ދިވެހި ފިރެހެނެއް ހައްޔަރު ކޮށްފައިވާ ކަމަށް ބުނެފައެވެ.