މޫސުން ގޯސްވާނެ ކަމަށް ލަފާކޮށް ރާއްޖޭގެ ބޮޑު ބަޔަކަށް ވައިޓް އެލާޓް ނެރެފިއެވެ.
މެޓް އޮފީހުން ވައިޓް އެލާޓް ނެރެފައިވަނީ އއ. އަތޮޅުން ފެށިގެން އައްޑޫސިޓީއާ ދެމެދުގައިވާ ރަށްތަކަށެވެ.
މި ސަރަހައްދަށް ވައިޓް އެލާޓް ނެރެފައިވަނީ 11:30 އިން ފެށިގެން ހަވީރު 04:30 އާ ހަމައަށެވެ.
މިވަގުތުތަކުގައި ބޯކޮށް ވާރޭވެހުމާއެކު ގުގުރުން އެކަށީގެންވާ ކަމަށް މެޓް އޮފީހުން ބުނެފައިވެއެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާކުރެވޭ ކަމަށްވެސް މެޓް އޮފީހުން މައުލޫމާތުދެއެވެ.
ރާއްޖެ ސަރަހައްދަށް މޫސުން ގޯސްވެފައިވާއިރު، އެކި ހިސާބުތަކަށް އެލާޓްތައް އަންނަނީ ނެރެމުންނެވެ.