ފާހިޝް އަމަލުތަކާ ދެކޮޅަށް އަޅަން ޖެހޭ ޤާނޫނީ ފިޔަވަޅު އަޅާނެ ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވެއްޖެއެވެ.
އިމްރާން މިފަދައިން ވިދާޅުވެފައިވަނީ ކުރެއްވި ޓްވީޓެއްގައެވެ. މިފަހަކަށް އައިސް އިމްރާން މިފަދައިން ކުރައްވާ ޓްވީޓްތައް ވަނީ އިތުރުވެފައެވެ.
އެގޮތުން އިމްރާން ކުރެއްވި ޓްވީޓްގައި ވިދާޅުވެފައިވަނީ ދީނުގެ ހުދޫދު ނެތިކޮށް، ގައުމުގެ އިޖުތިމާއީ ފޭރާން ވީދައި، ﷲ ގެ ކޯފާއަށް ގައުމު ހުށަހެޅޭފަދަ ހަޑިހުތުރު މުޑުދާރު ފާހިޝް އަމަލުތައް ލޯމައްޗަށް ތަކުރާރުވާން ފެށުމުން ޤާނޫނީ ހަމަތަކުގެ މަތިން އަޅަންޖެހޭ ފިޔަވަޅު އަޅާނެ ކަމަށެވެ.
Dheenuge hudhoodhu nethikoh, Qaumuge ijuthimaaee feyraan veedhai, Allah ge kofa ah qaumu hushahelheyfadha hadihuthuru mudhudhaaru faahish amaluthah lomachah thakuraaruvaan fesheemaa qaanoonee hamathakugemathin alhanvaa fiyavalhu elhumakee,IA alhugandu nukohdhookollane kamehnoon.
— Imran Abdulla (@ShimranAb) July 20, 2022
ޔޯގާ ދުވަހު ހިނގި ހަމަނުޖެހުންތަކާ ގުޅިގެން ބަޔަކު ހައްޔަރު ކުރުމުން އަދި އެއްޖިންސުން ގުޅުންހިންގާ މަންޒަރުތައް ފެންނަ ފޮޓޯ އަދި ވީޑިއޯ ލީކުވި މައްސަލައިގައި ބަޔަކު ހައްޔަރު ކޮށްފައިނުވާތީ އެތައްބައެއްގެ ފާޑުކިޔުން ސަރުކާރަށް އަމާޒުވެފައިވެއެވެ. އިމްރާން ނިސްބަތްވެވަޑައިގަންނަވާ އަދާލަތު ޕާޓީގެ އިލްމުވެރިންގެ ވެސް ފާޑުކިޔުން ސަރުކާރަށް އަމާޒުވެފައިވެއެވެ.