ޔޯގާ އިވެންޓްގެ ހަމަނުޖެހުމާ ގުޅިގެން ހައްޔަރުކޮށްފައިވާ ދީނީ އިލްމުވެރިޔާ ޝެއިހް އާދަމް ނިޝާން ދޫކޮށްލަން ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ގޮވާލައްވައިފި އެވެ.
އޭނަ ކުރެއްވި ޓްވީޓެއްގައި ވިދާޅުވީ ދީނީ ގޮތުން ކަމެއްގައި މީހަކު ދެކޭ ރައުޔެއް ހާމަކުރުމަކީ ހައްޔަރުކޮށްގެން ގެންގުޅެން ޖެހޭ ސަބަބެއް ނޫން ކަމަށެވެ.
"އަނިޔާވެެރި ޢަމަލަކަށް އޭނާ ތާއިދުކުރައްވާނެ ކަމަކަށް ޤަބޫލެއް ނުކުރެވޭ. ޝެއިޚު ނިޝާން މިނިވަންކުރަން ޖެހޭ،" ޝަހީމް ވިދާޅުވި އެވެ. "ޤާނޫނާ ޚިލާފުކަމެއް ކުރިކަން ސާބިތު ނުވާހާ ހިނދަކު."
އަނިޔާވެެެރި ޢަމަލަކަށް އޭނާ ތާއިދުކުރައްވާނެކަމަށް ޤަބޫލެއް ނުކުރެވޭ. ޝައިޚު ނިޝާން މިނިވަންކުރަންޖެހޭ.
ޤާނޫނާ ޚިލާފުކަމެއް ކުރިކަން ސާބިތު ނުވާހާ ހިނދަކު، ދީނީ ގޮތުން ކަމެއްގައި މީހަކު ދެކޭ ރައުޔެއް ހާމަކުރުމަކީ ހައްޔަރުކޮށްގެން ގެންގުޅެން ޖެހޭ ސަބަބެއްނޫން.— Mohamed Shaheem Ali Saeed (@Mohamedshaheem1) July 22, 2022
އޭނާ ވިދާޅުވި ގޮތުގައި ޝެއިހް ނިޝާނަކީ ދީނީ ކަންކަމަށް ހޭލުންތެރިން އުފައްދަވައި ދީނީ ގޮތުން އުފެދޭ މައްސަލަތައް ހައްލުކުރައްވައި ނަތީޖާތަކެއް ވެސް ނެރުއްވާފައިވާ ބޭފުޅެއް ކަމަށެވެ.
ޝައިޚު އާދަމް ނިޝާނަކީ، ވަކިން ޖަމާޢަތް ހަދައިގެން ނަމާދުކޮށް އުޅުނު ފަރާތްތައް އިޞްލާޙުކޮށް ޢިލްމީ ގޮތުން އެފަރާތްތަކަށް ޙައްޤުގޮތް ބުނެދެއްވުމަށް މަސައްކަތް ކުރައްވައި ނަތީޖާ ވެސް ނެރުއްވި ބޭފުޅެއް.
— Mohamed Shaheem Ali Saeed (@Mohamedshaheem1) July 22, 2022
"އެއީ ވަކިން ޖަމާއަތް ހަދައިގެން ނަމާދުކޮށް އުޅުނު ފަރާތްތައް އިޞްލާޙުކޮށް ޢިލްމީ ގޮތުން އެ ފަރާތްތަކަށް ޙައްޤު ގޮތް ބުނެދެއްވުމަށް މަސައްކަތް ކުރައްވައި ނަތީޖާ ވެސް ނެރުއްވި ބޭފުޅެއް [އެއީ]." ޝަހީމް ވިދާޅުވި އެވެ.
#FreeOurScholars pic.twitter.com/SNzGF0s8Fj
— Ali Rameez (@aliramyz) July 18, 2022
ޔޯގާ ދުވަސް ފާހަގަކުރަން މިދިޔަ މަހުގެ 21 ގައި މާލޭފައި ބޭއްވި އިވެންޓާ ދިމާކޮށް ހިނގި ނުޖެހުންތަކާ ގުޅިގެން ނިޝާން ހައްޔަރުކުރީ ޖޫން މަހުގެ 22 ވަނަ ދުވަހުގެ ރެ އެވެ. އަދި އެކި ފަހަރު މަތިން އޭނަގެ ބަންދަށް މުއްދަތު ޖަހަމުން ގޮސް އެންމެ ފަހުން ބަންދަށް 16 ދުވަސް ޖެހީ މި މަހުގެ 19 ވަނަ ދުވަހު އެވެ.
ޝެއިހް ނިޝާނާ އެކީ އެހެން ދީނީ އިލްމުވެރިޔަކު ވެސް ޔޯގާ ހަމަނުޖެހުމާ ގުޅިގެން ހައްޔަރުކުރި އެވެ. އެއީ ޝެއިހް ފަޒްލޫން މުހައްމަދެވެ. ނަމަވެސް އޭނަ ޝަރުތުތަކާ އެކީ ކްރިމިނަލް ކޯޓުން ދޫކުރީ ބުރާސްފަތި ދުވަހު އެވެ.