ހައްޖުގެ އަޅުކަން އަދާކުރުމަށް ފަހު ރާއްޖޭގެ ހައްޖުވެރިންގެ ދެވަނަ ގްރޫޕް މިއަދު ރާއްޖެ އަތުވެއްޖެ އެވެ.
މިއަދު އައި ގްރޫޕްގައި ހިމެނެނީ 175 ހައްޖުވެރިންނެވެ. ރާއްޖޭން މި އަހަރު ހައްޖަށް ދިޔައީ 453 މީހުންނެވެ. އޭގެ ތެރެއިން ފުރަތަމަ ގްރޫޕްގެ ގޮތުގައި 157 މީހުން ރާއްޖެ އައީ މި މަހުގެ 20 ގަ އެވެ.
ޙައްޖުވެރިންގެ ދެވަނަ ގުރޫޕް މިއަދު ވަނީ ރާއްޖެ އައިސްފައި. pic.twitter.com/qPAzKXYKHt
— Maldives Hajj Corporation Limited (@Hajjcorporation) July 23, 2022
ތިން ވަނަ ގްރޫޕް އަންނަ ބުދަ ދުވަހު އަންނާނީ 117 ހައްޖުވެރިންނާ އެކީގަ އެވެ. އެ އެންމެން ވެސް ހައްޖަށް ދިޔައީ ހައްޖު ކޯޕަރޭޝަންގަ ހަވާލުގަ އެވެ.
1443 ވަނަ އަހަރުގެ ޙައްޖުގެ މަތިވެރި އަޅުކަން އަދާކުރުމަށް ދިޔަ ޙައްޖުވެރިންގެ 2ވަނަ ގްރޫޕް ރާއްޖެ އަތުވެއްޖެ pic.twitter.com/m6Z0i58OGQ
— Ministry of Islamic Affairs (@MVIaffairs) July 23, 2022
މިއަދު އައި ހައްޖުވެރިންނަށް ވެލާނާ އިންޓަނޭޝަނަލް އެއާޕޯޓުން (ވީއައިއޭ) އިން އިސްލާމިކް މިނިސްޓަރު އަދި މި އަހަރުގެ އަމީރުލް ހައްޖު ޑރ. އަހުމަދު ޒަހީރު އަލީ މަރުހަބާ ވިދާޅުވި އެވެ.