އިންޑިއާގައި އަލަށް ވައިގެ ހިދުމަތަށް ނުކުންނަ އާ އެއާލައިން "އަކާސާ" ގެ ދަތުރުތައް އަންނަ މަހުގެ 7 ގައި ފަށަން ނިންމައި ޓިކެޓް ވެސް ވިއްކަން ފަށައިފި އެވެ.
މީޑިއާތަކުން ބުނީ އެންމެ ފުރަތަމަ އެތެރޭގެ އުދުހުންތަކަށް ހާއްސަ އެއާލައިނުން ފުރަތަމަ ދަތުރުތައް ކުރާނީ އިންޑިއާގެ ވިޔަފާރީގެ މައި މަރުކަޒު، މުމްބާއީ އާއި އެހެމްދުއާބާދާ ދެމެދު ކަމަށެވެ. އެ ގޮތުން އަންނަ މަހުގެ 7 އިން ފެށުގެން އެ ދެ ދޭތެރޭ ކޮންމެ ދުވަހަކު ދެ ދަތުރު ބާއްވަން ޕްލޭންކޮށްފައިވެ އެވެ.
We’re bringing you closer to Your Sky, starting with these destinations!
Book now at https://t.co/T1AycoDR3T or download our app on Play Store.#ItsYourSky pic.twitter.com/PYqLZwG6vz
— Akasa Air (@AkasaAir) July 22, 2022
މިދިޔަ އަހަރު އޮކްޓޯބަރު މަހުގެ ތެރޭގައި ވައިގެ ދަތުރުފަތުރަށް ރަސްމީކޮށް ހުއްދަ ލިބުނީ "އަކާސާ އެއާ" އަކީ އިންޑިއާގެ މަޝްހޫރު ވިޔަފާވެރިއެއް ކަމަށްވާ ރާކޭޝް ޖުންޖުންވާލާ ވެސް އިންވެސްޓްކޮށްފައިވާ އެއާލައިނެކެވެ. މީޑިއާތަކުން ބުނީ އެ އެއާލައިންގައި އޭނާ 40 ޕަސެންޓް ހިއްސާވާ އިރު، 35 މިލިއަން ޑޮލަރު އިންވެސްޓްކޮށްފައިވާ ކަމަށެވެ.
Be the first to fly Akasa Air.
Book on https://t.co/T1AycoDR3T or download our app on Play Store, now! pic.twitter.com/DhtHfX7yGw— Akasa Air (@AkasaAir) July 22, 2022
"އަކާސާ އެއާ" އޮޕަރޭޓްކުރާނީ އެސްއެންވީ އޭވިއޭޝަން ޕްރައިވެޓް ލިމިޓެޑުންނެވެ.
އެ އެއާލައިނުން އޮޕަރޭޝަނަށް ނުކުންނަނީ ބޮއެން 737 މެކްސް މަރުކާގެ މަތިންބޯޓްތަކާ އެކީގައި ކަމަށެވެ. "އަކާސާ އެއާ" ގެ އަމާޒަކީ މި އަހަރު ނިމުމުގެ ކުރިން ފްލީޓްގެ އަދަދު 18 އަށް އިތުރުކޮށް، ކޮންމެ އަހަރަކު ވެސް އެއާލައިނަށް 12-14 ބޯޓް އިތުރުކުރުމެވެ. އަދި ކުރިއަށް އޮތް ފަސް އަހަރުގެ ތެރޭގައި "އަކާސާ އެއާ" ގެ ފްލީޓް 72 އަށް އިތުރުކުރަން ޕްލޭންކޮށްފައިވެ އެވެ.
'Have factored in high oil prices, first spreadsheet started in August 2020 with fuel at $40/bbl,' says Vinay Dube – CEO, Founder & MD of @AkasaAir. Adds that there is no static number in fuel planning.
Catch the full interview, #OnTheRecord, today at 5 pm@ShereenBhan pic.twitter.com/bgtzHXSrgw
— CNBC-TV18 (@CNBCTV18News) July 14, 2022
ފޭސްތަކަކަށް ބަހާލައިގެން އެއާލައިންގެ އޮޕަރޭޝަންތައް މުޅި އިންޑިއާ އަށް ފުޅާކުރަން ހަމަޖެހިފައިވާ އިރު މި މަހުގެ 7 ގައި ރަސްމީކޮށް އޮޕަރޭޝަން ފެށުމަށް ފަހު، އަންނަ މަހުގެ 13 އިން ފެށިގެން ބެންގަލޫރާއި ކޮޗީއާ ދެމެދު ވެސް ކޮންމެ ދުވަހަކު ދެ ދަތުރު ބާއްވަން ހަމަޖެހިފައިވެ އެވެ.
ދުނިޔޭގައި ދެވަނަ އަށް އެންމެ ބޮޑު އާބާދީއެއް އޮތް އިންޑިއާ އިން މި ވަގުތު ވެސް 39 އެއާލައިނެއް އޮޕަރޭޓްކުރެ އެވެ.