ފާހިޝް އަމަލުތައް ހުއްޓުވުމަށް ސަރުކާރު ފަސްޖެހިގެން ނުވާނެ ކަމަށް އިހަވަންދޫ ދާއިރާގެ މެމްބަރު މުހައްމަދު ޝިފާއު ވިދާޅުވެއްޖެއެވެ.
ޝިފާއު ކުރެއްވި ޓްވީޓެއްގައި ވިދާޅުވެފައިވަނީ ދިވެހިންްގެ ދީނަކީ އިސްލާމްދީންކަމުގައި ޤާނޫނުއަސާސީ ސާފުކޮށް ބުނާ ކަމަށެވެ.
އިސްލާމްދީނުގަ ހުއްދަކަމަކީ ދިވެހި ފަސްގަޑުގައި ހުއްދަކަމެއް ކަމަށާއި، އަދި އިސްލާމްދީނުގައި ހަރާމްކަމަކީ ދިވެހިފަސްގަޑުގައި ހަރާމްކަމެއް ކަމަށްވެސް ޝިފާއު ވިދާޅުވިއެވެ.
"މުންކަރާތްތަކާ ފާހިޝް އަމަލުތައް ހުއްޓުވުމަށް ސަރުކާރާ ފުލުހުން ފަސްޖެހިގެން ނުވާނެ." ޝިފާއުގެ ޓްވީޓްގައިވެއެވެ.
ޤާނުއަސާސީ ސާފުކޮށް ބުނަނީ ދިވެހިންްގެ ދީނަކީ އިސްލާމްދީންކަމުގަ. އިސްލާމްދީނުގަ ހުއްދަކަމަކީ ދިވެހި ފަސްގަޑުގައި ހުއްދަކަމެއް. އިސްލާމްދީނުގައި ހަރާމްކަމަކީ ދިވެހިފަސްގަޑުގައި ހަރާމްކަމެއް. މުންކަރާތްތަކާ ފާހިޝް އަމަލުތައް ހުއްޓުވުމަށް ސަރުކާރާ @PoliceMv ފަސްޖެހިގެން ނުވާނެ.
— Mohamed Shifau (@mhshifau) July 24, 2022
މިފަހުން ސަރުކާރަށް އެންމެ ބޮޑަށް ފާޑުކިޔުން އަމާޒުވަމުން އަންނަނީ އެއްޖިންސުން ގުޅުންހިންގާ ވީޑިއޯތަކުގެ މައްސަލައިގައި ބަޔަކު ހައްޔަރުކޮށްފައި ނުވާތީއެވެ. އަދިއެކަމުގައި ފިޔަވަޅު ނޭޅޭ ކަމަށްބުނެ ސަރުކާރަށް ކުރިމަތިވާ ފާޑުކިޔުން ވަނީ އިތުރުވެފައެވެ.