އިންޓަނޭޝަނަލް ބެވަރެޖް ކޮންޕެނީން އިންތިޒާމްކޮށްގެން ކ. ހިންމަފުށީގައި ބޭއްވި "ލައިފް ޤުރުއާން މުބާރާތް 1143" ގައި އައްސޭރި ޖަލުގެގައިދީންތަކެއް ބައިވެރިވެ، ވާދަކޮށްފައިވާ ކަމަށް މޯލްޑިވްސް ކަރެކްޝަނަލް ސާވިސް (އެމްސީއެސް) އިން ބުނެފި އެވެ.
އެތަނުން ބުނީ އިޖިތިމާއީ މިފަދަ ހަރަކާތްތަކުގައި ގައިދީންނަށް ބައިވެރިވެވޭނެ ފުރުސަތު ލިބުމަކީ އެ މީހުންގެ ރިހެބިލިޓޭޝަނަށް ލިބޭ ބޮޑު ހިތްވަރެއް ކަމަށެވެ. އަދި މިއީ ޖަލެއްގައި ހުކުމް ތަންފީޒުކުރަމުން އަންނަ ގައިދީންތަކެއް މިފަދަ މުބާރާތެއްގައި ބައިވެރިވި ދެވަނަ ފަހަރު ކަމަށް ވެސް އެމްސީއެސް އިން ބުންޏެވެ.
“ލައިފް ޤުރުއާން މުބާރާތް 1443” ގައި އައްސޭރި ޖަލުގެ 7 ޤައިދީން ބައިވެރިކޮށްފި https://t.co/buNWzAx2Ie pic.twitter.com/ME9bFGmqI2
— Maldives Correctional Service (@CorrectionsMv) July 25, 2022
ހިންމަފުށީގައި ހުންނަ އިންޓަނޭޝަނަލް ބެވަރެޖް ކޮންޕެނީން އިންތިޒާމްކުރި ޤުރުއާން މުބާރާތް ކުރިއަށް ގެންދިޔައީ މި މަހުގެ 18-23 އަށެވެ. އެ މުބާރާތުގައި ބައިވެރިވީ އައްސޭރި ޖަކުގެ ހަތް ގައިދީއެކެވެ.
މުބާރާތުގައި އެކި ރަށްރަށުން ޖުމްލަ 132 މީހަކު ބައިވެރިވި އެވެ.