އަދާލަތު ޕާޓީ އާއި ސަލަފް ޖަމިއްޔާއިން ދައްކަނީ ސިޔާސީ ވާހަކަ ކަމަށް ޔޫތް މިނިސްޓަރު އަހުމަދު މަހުލޫފް ވިދާޅުވެއްޖެއެވެ.
ޔޯގާ ދުވަސް ފާހަގަކުރުމުގެ ސަބަބުން އަދާލަތު ޕާޓީއާއި ބައެއް އެހެންވެސް އިލްމުވެރިންގެ އެންމެ ބޮޑު ފާޑުކިޔުމެއް އަމާޒުވެފައިވަނީ މިނިސްޓަރު މަހުލޫފަށެވެ.
މަހުލޫފް ކުރެއްވި ޓްވީޓްގައިވަނީ 2015 ވަނަ އަހަރުން ފެށިގެން ސަރުކާރު ބައިވެރިވެގެން ޔޯގާ ދުވަސް ފާހަގަކުރަމުން އަންނަކަންވެސް ފާހަގަ ކޮށްފައެވެ. އަދި ވިދާޅުވީ އިދިކޮޅު ޕީޕީއެމްއާއި ސަރުކާރު ކޯލީޝަންގައި ހިމެނޭ އަދާލަތު ޕާޓީ އަދި ސަލަފް ޖަމިއްޔާއަކީ ވެސް ސިޔާސީ ޕާޓީތަކެއް ކަމަށާއި، އެ ފަރާތްތަކުން ދައްކާނީ ސިޔާސީ ވާހަކަ ކަމަށެވެ.
”ބުދުދީނުގެ ފާދިރީންނަށް ވުރެ ބައެއް ދިވެހިންގެ ހާލު ދެރަ:ޑރ.ޒިޔާދު“
މިއީ 2015 – 2018 އަށް ސަރުކާރު ބައިވެރިވެގެން ޔޯގާ ދުވަސް ފާހަގަކުރަމުން ދިޔައިރު ހުންނެވި އިސްލާމިކް މިނިސްޓަރުގެ މިއަދުގެ ބަސް.
ޕީޕީއެމް،އަދާލަތު އަދި ސަލަފަކީ ވެސް ސިޔާސީ ޕާޓީތަކެއް. ދައްކާނީ ސިޔާސީ ވާހަކަ. pic.twitter.com/ICajjnPb4c
— Ahmed Mahloof (@AhmedMahloof) July 28, 2022
ޔޯގާ ދުވަހުގެ ހަމަނުޖެހުންތަކަށް ފަހު މަހުލޫފް އަންނަނީ އެކަމުގައި ފާޑުކިޔަމުން އަންނަ ފަރާތްތަކަށް ރައްދުދެއްވަމުންނެވެ.
ޔޯގާ އަކީ ހަރާމް އެއްޗެއް ކަމަށް ބުނެ އަދާލަތު ޕާޓީ އާއި އިތުރު އިލްމުވެރިންތަކެއް ލިޔުންތަކެއް ނެރެފައިވާއިރު، މިފަދަ ކަންކަމުގައި ރާއްޖޭގައި ފަތުވާ ނެރެން އޮތް "އިސްލާމީ ފަތުވާދޭ އެންމެ މަތީ މަޖިލިސް" އިން އަދިވެސް އެއްޗެއް ބުނެފައެއް ނުވެއެވެ.