ހުކުމްތައް ނެރޭނީ ފަރުދުން އަމިއްލަ އަމިއްލައަށް ނޫން ކަމަށް އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ) ވިދާޅުވެއްޖެއެވެ.
ވައްޑެ މިފަދައިން ވިދާޅުވެ ޓްވީޓް ކުރައްވާފައި މިވަނީ ޔޯގާ މައްސަލައިގައި އެކި ފަރާތްތަކުން ދެކޭގޮތް ފަތުވާއާއި އެކި ލިޔުންތަކެގެ ގޮތުގައި ނެރެމުން އަންނަނިކޮށެވެ.
ވައްޑެގެ ޓްވީޓްގައި ވިދާޅުވެފައިވަނީ އިސްލާމީ އަދި ޤާނޫނީ ދައުލަތެއްގައި ހުކުމްތައް ނެރޭނީ އެދައުލަތެއްގެ ރަސްމީ ނިޒާމުގެ ތެރެއިން ކަމަށެވެ. އެކަން ކުރާޏީ ވަކިވަކި ފަރުދުން އަމިއްލަ އަމިއްލައަކަށް ނޫން ކަމަށެވެ.
ކޮންމެ މީހަކު ދައުލަތުގެ ނިޒާމުން ބޭރުން ކަންކަން ނިންމަން ފަށައިފިނަމަ ދައުލަތެއްގެ ބޭނުން ކެނޑި ހިނގައިދާނެ ކަމަށްވެސް ވައްޑެ ވިދާޅުވިއެވެ. އަދި ނިޒާމެއް ނެތް ތަނެއްގައި ހަމަޖެހުމެއް، ރައްކާތެރިކަމެއް، އަދި މިނިވަންކަމެއްވެސް ނޯންނާނެ ކަމަށް ވިދާޅުވިއެވެ.
ކޮންމެ މީހަކު ދައުލަތުގެ ނިޒާމުން ބޭރުން ކަންކަން ނިންމަން ފަށައިފިނަމަ ދައުލަތެއްގެ ބޭނުން ކެނޑި ހިނގައިދާނެއެވެ. ނިޒާމެއް ނެތް ތަނެއްގައި ހަމަޖެހުމެއް، ރައްކާތެރިކަމެއް، އަދި މިނިވަންކަމެއްވެސް ނޯންނާނެއެވެ.
— Waddey (@waddey_) July 28, 2022
ޔޯގާ އަކީ ހަރާމް އެއްޗެއް ކަމަށް ބުނެ އަދާލަތު ޕާޓީ އާއި އިތުރު އިލްމުވެރިންތަކެއް ލިޔުންތަކެއް ނެރެފައިވާއިރު، މިފަދަ ކަންކަމުގައި ރާއްޖޭގައި ފަތުވާ ނެރެން އޮތް "އިސްލާމީ ފަތުވާދޭ އެންމެ މަތީ މަޖިލިސް" އިން އަދިވެސް އެއްޗެއް ބުނެފައެއް ނުވެއެވެ.